Пятница, 1 Мая 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

06:06 (UTC+5), 20 Мая 2019

Өфөлә мәктәп автобустары водителдәренең һөнәри оҫталыҡ конкурсына йомғаҡ яһалды

Башҡортостан Транспорт һәм юл хужалығы буйынса дәүләт комитетының матбуғат хеҙмәте

IMPORT Сервисный

ӨФӨ, 2019 йыл, 20 май. /«Башинформ» мәғлүмәт агентлығы/. 18 майҙа «Башавтотранс» предприятиеһы автодромы майҙанында «Иң яҡшы мәктәп автобусы водителе» республика һөнәри оҫталыҡ конкурсының финалы уҙҙы. Унда республиканың 54 районынан һәм 8 ҡала округынан 115 кеше ҡатнашты.

Сараны асыу тантанаһында Башҡортостандың мәғариф министры вазифаһын башҡарыусы Илдар Мәүлитбирҙин, Транспорт һәм юл хужалығы буйынса дәүләт комитеты рәйесе урынбаҫары Азат Кәлимуллин, «Башавтотранс» дәүләт унитар предприятиеһы директоры вазифаһын башҡарыусы Надир Самиев һәм башҡалар бар ине. Республиканың Транспорт һәм юл хужалығы буйынса дәүләт комитеты рәйесе урынбаҫары Азат Кәлимуллин конкурста ҡатнашыусыларға сәләмләү һүҙ менән мөрәжәғәт итте.

«Мәктәп автобусы водителенең маҡсаты – үҙенең пассажирҙарын мәктәпкә имен-һау алып барыу-алып ҡайтыу. Уның пассажирҙары — балалар, шуға күрә ошо водителдәрҙең һөнәри оҫталығына ла талаптар юғары», — тине Азат Кәлимуллин.

Өфөгә «Иң яҡшы мәктәп автобусы водителе» республика һөнәри оҫталыҡ конкурсы финалына муниципаль этап еңеүселәре килде. Транспорт һәм юл хужалығы буйынса дәүләт комитетының матбуғат секретары Лилиә Хәбибова хәбәр итеүенсә, ярыш һөҙөмтәләре буйынса түбәндәгеләр еңеүсе тип танылды.

«Урта класлы мәктәп автобусы водителе» категорияһында («ПАЗ»)

— беренсе урынды Иглин районынан Анатолий Суриков;

— икенсе урынды Балтас районынан Азамат Нурисламов;

— өсөнсө урынды Баймаҡ районынан Илдар Дәүләтбаев алды.

«Бәләкәй класлы автобус водителе» категорияһында («ГАЗель-НЕКСТ»)

— беренсе урынды Өфө районынан Юрий Чижик;

— икенсе урынды Нуриман районынан Мансаф Хазеев;

— өсөнсө урынды Учалы районынан Радик Юлмөхәмәтов яуланы.

Еңеүселәргә, грамоталар һәм дипломдарҙан тыш, аҡсалата премиялар ҙа бирелә. Башҡортостанда мәктәп автобустары водителдәренең республика һөнәри оҫталыҡ конкурсы Башҡортостан Республикаһы Башлығы вазифаһын ваҡытлыса башҡарыусы Радий Хәбировтың ҡушыуы буйынса тәүге тапҡыр ойошторолдо.

http://www.bashinform.ru/news/1309331-v-ufe-podveli-itogi-konkursa-professionalnogo-masterstva-voditeley-shkolnykh-avtobusov/

1 из 10

#мәктәп автобустары #конкурс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.