81.14
0
Башҡортостан һәм Өфө яңылыҡтары
92.22
0
67.96
+2.11
22+ °C
Ясна
Бөтә яңылыҡтар
Йәмғиәт
16 Май 2019, 11:24
Өфөлә ҡаты коммуналь ҡалдыҡтар өлкәһендә төбәк операторҙарының III Халыҡ-ара съезы үҙ эшен башланы
автор
ӨФӨ, 2019 йыл, 16 май. /«Башинформ» мәғлүмәт агентлығы, Гөлфиә Акулова/. Бөгөн, 16 майҙа, Өфөлә ҡалдыҡтар менән эш итеү өлкәһендә төбәк операторҙарының III Халыҡ-ара съезы үҙ эшен башланы. «Торатау» конгресс-холында Рәсәйҙең Тәбиғәт ресурстары һәм экология министрлығы һәм республика етәкселеге булышлығында ҙур сара бара. Съезд «Таҙа ил» ассоциацияһы тарафынан өсөнсө тапҡыр ойошторола. Унда тотош Рәсәйҙән ҡаты коммуналь ҡалдыҡтар менән эш итеү өлкәһендә төбәк операторҙары, ҡалдыҡтар менән эш итеү тармағы предприятиелары вәкилдәре, коммуналь техника етештереүселәр, федераль һәм төбәк власы органдары, шулай уҡ сит илдәрҙең профилле ойошмалары вәкилдәре ҡатнаша, шуға күрә ул халыҡ-ара статусын алды.
Съезда ҡатнашыусылар 2019 йылдың 1 ғинуарынан башланған ҡалдыҡтар менән эш итеү өлкәһендәге реформаны тормошҡа ашырыуҙың тәүге йомғаҡтарын, ҡаты коммуналь ҡалдыҡтар менән эш итеүҙең яңы системаһына күсеү үҙенсәлектәре һәм проблемалары, ошо өлкәләге проекттарға дәүләт ярҙамы кәрәклеген тикшерергә ниәтләй.
«Һәр реформа — ҡатмарлы процесс. Республикабыҙ тураһында һөйләгәндә, беҙ уға ышаныслы индек, — тине Башҡортостан Башлығы вазифаһын ваҡытлыса башҡарыусы Радий Хәбиров. — Ошо ҙур эште башлар алдынан төбәк операторҙары менән беҙ барыбыҙ ҙа партнерҙар һәм ҡалдыҡтар менән эште ойоштороу буйынса ҡуйылған бөтә бурыстарҙы бергәләп кенә башҡарып сыға алыу хаҡында һөйләшеп килештек. Беҙҙең тариф сәйәсәтен булдырыуҙың конструктив планы бар ине, муниципалитет башлыҡтары менән тейешле инфраструктура, контейнер базаһын булдырыу эше алып барыла. Бөгөн съезда башҡа субъекттарҙың тәжрибәһе менән танышыу, иң яҡшы тәжрибәләр менән алмашыу ҡыҙыҡлы булыр. Һәммәбеҙ ҙә илебеҙҙең экологик яҡтан таҙа, имен, күркәм булыуын теләй. Шуға өлгәшербеҙ тип ышанам».
Съезда шулай уҡ ҡалдыҡтар менән эш итеү өлкәһендәге алдынғы технологиялар һәм яңы техника өлгөләре күргәҙмәһе ойошторолған.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».