Республикала көслө дауылдан зыян күргән муниципалитеттарға ярҙам күрһәтелә

Башҡортостан буйынса Ғәҙәттән тыш хәлдәр министрлығы

IMPORT Сервисный

ӨФӨ, 2019 йыл, 29 апрель. /«Башинформ» мәғлүмәт агентлығы, Гөлфиә Акулова/. Бөгөн оператив кәңәшмәлә Радий Хәбиров Хөкүмәткә көслө дауылдан зыян күргән муниципалитеттарға ремонт-тергеҙеү эштәрен башҡарыуҙа ярҙам күрһәтергә ҡушты.

Кисә, 28 апрелдә, киске сәғәт 8-ҙән 9-ға тиклем елдең секундына 18-21 метр тиҙлектә иҫеүе сәбәпле, өс ҡала округында һәм туғыҙ муниципаль районда шәхси йорттарҙың, социаль әһәмиәтле объекттарҙың ҡыйыҡтары емерелгән.

Башҡортостандың Ғәҙәттән тыш хәлдәр буйынса дәүләт комитеты башлығы Фәрит Ғүмәров һүҙҙәренсә, Ишембай районының Петровский ауылында участка дауаханаһы амбулаторияһы бигерәк тә ныҡ зыян күргән. Бында 90 квадрат метр майҙанда профнастил ҡыйыҡ өлөшләтә емерелгән. Ғафури районының Антоновка ауылында Красноусол үҙәк район дауаханаһының фельдшер-акушерлыҡ пункты ҡыйығы өлөшләтә зыян күргән. Әлшәй районының Раевка ауылында юл машина станцияһында емерелектәр бар, Стәрлетамаҡта тимер юл вокзалының ҡыйығы өлөшләтә емерелгән. Благовар районының Болошло ауылында майҙаны 150 квадрат метрлыҡ өйгә зыян килгән.

Ауырғазы районының 11 ауылында 12 шәхси йорттоң, мәктәптең, ауыл мәҙәниәт йортоноң, мәктәп спорт залының, алты производство объектының ҡыйыҡтары емерелгән.

Райондарҙа авария-тергеҙеү эштәре бөгөнгә, 29 апрелгә, билдәләнгән.

http://www.bashinform.ru/news/1303551-v-bashkirii-okazhut-pomoshch-postradavshim-ot-uragana-munitsipalitetam/

#оператив кәңәшмә #көслө дауыл #ғәҙәттән тыш хәлдәр министрлығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.