Республика мәктәптәрендә һәр дүртенсе шәмбе бер темаға арналырға тейеш

Олег Яровиков

ӨФӨ, 2019 йыл, 26 апрель. /«Башинформ» мәғлүмәт агентлығы, Гөлфиә Акулова/. Башҡортостан Хөкүмәтендәге «Мәғариф сәғәте»ндә Мәғариф министрлығы республикала биш көнлөк уҡыу аҙнаһына күскән мәктәптәр өсөн тематик шәмбеләр уҙғарыу проекты менән таныштырҙы.

Башҡортостан Башлығы вазифаһын ваҡытлыса башҡарыусы балалар ваҡытын ғаилә менән үткәрә алһын өсөн мәктәптәргә биш көнлөк уҡыуға күсергә тәҡдим итте. Йәмәғәтселек тәҡдимде хупланы. Республика мәктәптәренең 60% яңы форматҡа күсте. Ҡалғандары яңы уҡыу йылы башынан биш көнлөк индерә.

Шуның менән бергә һәр мәғариф учреждениеһы айҙың бер шәмбеһендә уҡыусылар менән ҡыҙыҡлы саралар уҙғарырға тейеш тигән ҡарар ҡабул ителде.

Мәғариф министрлығы ошондай тематик шәмбеләрҙе ойоштороу өсөн яҡынса темалар исемлеген төҙөгән. Әйтәйек, сентябрҙә — спорт шәмбеһе, октябрҙә — этношәмбе, ноябрҙә һөнәри йүнәлештәге шәмбе үткәрергә тәҡдим ителә. Шулай уҡ хәүефһеҙ, экологик, патриотик, сәләмәтлек, мәҙәни, туристик, һанлы, һаҡсыл, ижади, хәйриә, бейеү, толерантлыҡ, ирекмәнлек шәмбеләре ҡаралған.

Республиканың мәғариф министры вазифаһын башҡарыусы Айбулат Хажин һүҙҙәренсә, мәктәптәр тәҡдим ителгән темаларҙың оҡшағанын һайлап алырға мөмкин, ләкин ҡайһы берҙәре мотлаҡ була.

Интернетта уҡыусыларҙың ата-әсәләре араһында уҙғарылған һорау алыу 74% шәмбене мәктәптә балалары менән үткәрергә әҙер булыуын, 26% ошо ял көнөндә шәхси эштәре менән шөғөлләнергә теләүен күрһәтте. Уҡыусыларҙың күбеһе (61% ашыуы) шәмбелә әүҙем ял итергә, 21% ашыуы — ҡыҙыҡлы нәмә ҡарарға, 8% яңы нәмәгә өйрәнергә теләй.

Радий Хәбиров билдәләүенсә, мәктәптәрҙә тематик шәмбеләр моделен бик яҡшы итеп уйларға кәрәк. Республика етәксеһе бер айҙан алтынсы уҡыу көнөндә мәктәптәрҙә сараларҙың нисек уҙыуы тураһында мәғлүмәт бирергә ҡушты.

http://www.bashinform.ru/news/1302696-shestoy-shkolnyy-den-kazhdaya-4-ya-subbota-v-shkolakh-bashkirii-budet-tematicheskoy-/

#мәғариф #биш көнлөк #тематик шәмбеләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.