«Башинформ» һәм «Татар-информ» яңылыҡтар менән алмашыу тураһында килешеү төҙөнө

Олег Яровиков

IMPORT Сервисный

ӨФӨ, 2019 йыл, 18 апрель. /«Башинформ» мәғлүмәт агентлығы, Галина Бахшиева/. «Башинформ» һәм «Татар-информ» мәғлүмәт агентлыҡтары 18 апрелдә Өфөлә хеҙмәттәшлек тураһында килешеү төҙөнө. Документҡа «Башинформ» агентлығының генераль директоры Максим Ульчев һәм «Татар-информ» агентлығының генераль директоры Шамил Садиҡов ҡул ҡуйҙы.

Ике республиканың мәғлүмәт агентлыҡтары араһында меморандум «Башҡортостан — Татарстан» эшлекле форумы барышында төҙөлдө.

Документта хәбәр ителеүенсә, меморандум мәғлүмәт менән алмашыу йәһәтенән профессиональ хеҙмәттәшлекте нығытыу, дуҫтарса мөнәсәбәттәр булдырыу һәм емешле хеҙмәттәшлек итеү өсөн төҙөлгән. «Башинформ» һәм «Татар-информ» агентлыҡтары үҙ республикаларының эске һәм халыҡ-ара тормошоноң көнүҙәк ваҡиғалары тураһында оператив һөм дөрөҫ мәғлүмәттәр менән алмаша, тип билдәләнә меморандумда.

«Бөгөнгө документ — ике төбәктең медиахолдингтары араһында урынлаштырылған мөнәсәбәттәрҙе теркәү һәм артабан ниндәй йүнәлештә барыуыбыҙҙы тикшереү ҙә ул, — тип белдерҙе «Башинформ» агентлығының генераль директоры Максим Ульчев. — Хәҙер төбәктәр араһында хеҙмәттәшлек яңынан йәнләнә. Быға етәкселәрҙең шәхси эшлекле бәйләнештәре һәм амбициялы маҡсаттары булышлыҡ итә, сөнки уларға бергәләп ирешеү һөҙөмтәлерәк. Беҙҙең яңылыҡтарыбыҙҙы уҡыған башҡортостандар, коллегаларыбыҙ күрше төбәктәге ваҡиғалар хаҡында ҡыҙыҡлы мәғлүмәттәр алыр, Татарстанда иһә беҙҙең хаҡта күберәк һәм яҡшыраҡ белерҙәр тип уйлайым».

«Татар-информ» мәғлүмәт агентлығының генераль директоры Шамил Садиҡов фекеренсә, Башҡортостанда йәшәгән татарҙар Татарстандан оператив хәбәрҙәр алыуға мохтаж. Татарстанда йәшәгән башҡорт диаспораһында ла ҡыҙыҡһыныу ҙур.

«Татар-информ» һәм «Башинформ» агентлыҡтары араһындағы меморандум төбәктәребеҙ араһындағы иҡтисади, мәҙәни, социаль һәм ғилми проекттарҙы киңерәк яҡтыртырға мөмкинлек бирергә тейеш», — тип үҙенең етәксеһе Шамил Садиҡовтың һүҙҙәрен килтерә «Татар-информ».

1 из 3

http://www.bashinform.ru/news/1299491-bashinform-i-tatarinform-budut-obmenivatsya-novostyami/

#меморандум #төбәк-ара хеҙмәттәшлек #башинформ #татар-информ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.