93.25
-0.19
Башҡортостан һәм Өфө яңылыҡтары
99.36
-0.21
87.04
-0.15
26+ °C
Болотло
Бөтә яңылыҡтар
Йәмғиәт
11 Апрель 2019, 10:53
Ғәҙәттән тыш хәлдәр министрлығы республика халҡын сүп-сар, үлән һәм усаҡ яҡмаҫҡа саҡыра
Башҡортостандың Ғәҙәттән тыш хәлдәр министрлығы видеоһынан стоп-кадр
ӨФӨ, 2019 йыл, 11 апрель. /«Башинформ» мәғлүмәт агентлығы/. Башҡортостанда йыл башынан 1928 янғын булған, уларҙа 99 кешенең ғүмере өҙөлгән, 78-е төрлө йәрәхәттәр алған. Уҙған йылдың ошо уҡ осоро менән сағыштырғанда, янғындар һаны 3,36% кәмегән (1995 ут сығыу осрағы), әммә һәләк булыусылар — 16,5% (85 кеше), йәрәхәтләнеүселәр 1,3% (77 кеше) артҡан.
Башҡортостан Ғәҙәттән тыш хәлдәр министрлығының матбуғат хеҙмәте мәғлүмәте буйынса, республикала көндәрҙең ҡоро тороуына бәйле үлән яныу осраҡтары күбәйгән. Ҡоро үлән яныуҙың 107 осрағы теркәлгән, шуның 19-ы тәүлек эсендә, 9 апрелдә, булған. Янғындың дөйөм майҙаны 130,97 гектар тәшкил иткән. Ошо факттар буйынса административ хоҡуҡ боҙоуҙар тураһында 31 протокол төҙөлгән, шуларҙың 19-ы — граждандарға, 12-һе — вазифалы кешеләргә ҡарата. 11 осраҡ буйынса административ хоҡуҡ боҙоу һәм административ тикшереү үткәреү тураһында енәйәт эше ҡуҙғатыу хаҡында ҡарар сығарылған.
«Апрелдең һуңғы көндәрендә генә республикала ҡоро үлән яныуҙың 107 осрағы теркәлгән. Янғындың дөйөм майҙаны 1 миллион 300 мең квадрат метрҙан ашыу тәшкил иткән, — тине Рәсәй Ғәҙәттән тыш хәлдәр министрлығының Башҡортостан буйынса баш идаралығы начальнигы урынбаҫары Эдуард Иҙрисов. — Урман янғындарының төп сәбәбе — кеше. Кешеләр үләндәрҙе яндыра, тәмәке төпсөктәрен ташлап китә, усаҡтарҙы тулыһынса һүндермәй. Шунан урман янғындары башлай, йәнлектәр һәләк була, тотош ауылдар янып бөтә, тынды ҡыҫа торған төтөн менән торф сығанаҡтары барлыҡҡа килә. Башҡортостанда йәшәүселәргә янғын хәүефһеҙлеге талаптарын үтәргә, сүп-сар, үлән, усаҡ яҡмаҫҡа кәңәш итәм. Янғын хәүефһеҙлеге талаптарын боҙған өсөн яуаплылыҡ ҡаралған».
Башҡортостанда ут сығыу осраҡтарын ваҡытында асыҡлау һәм ғәйеплеләрҙе табыу буйынса 3113 кешенән торған 242 ведомство-ара мобиль төркөм ойошторолған. Улар 1105 берәмек техника менән тәьмин ителгән. Патруллек итеүҙең 627 маршруты билдәләнгән.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».