91.69
0
Башҡортостан һәм Өфө яңылыҡтары
98.56
0
82.82
-0.85
7+ °C
Болотло
Бөтә яңылыҡтар
Йәмғиәт
10 Апрель 2019, 15:27
Башҡортостанда 9 майҙа «Үлемһеҙ полк» акцияһы була
Олег Яровиков
ӨФӨ, 2019 йыл, 10 апрель. /«Башинформ» мәғлүмәт агентлығы, Азат Ғиззәтуллин/. 9 майҙа Башҡортостандың барлыҡ район-ҡалаларында «Үлемһеҙ полк» Бөтә Рәсәй гражданлыҡ-илһөйәрлек акцияһы ойошторола. Быйыл да ул бер үк ваҡытта — сәғәт 11-ҙә Бөйөк Ватан һуғышында һәләк булғандар иҫтәлегенә Бер минутлыҡ тынлыҡтан башлана. Акция Башҡортостан юлдаш телеканалында һәм «Спутник ФМ» радиостанцияһында тура эфирҙа трансляциялана. Башҡортостан Дәүләт Йыйылышы рәйесе урынбаҫары Эльвира Айытҡолова «Башинформ» агентлығындағы матбуғат конференцияһында элекке йылдарҙа республикала «Үлемһеҙ полк»ты үткәргән саҡта тап ошондай берләштереүсе фактор етмәүен әйтте. Уның һүҙҙәренсә, акция йылдан-йыл киң ҡолас ала бара, унда ҡатнашыусылар һаны арта.
«Рәсәйҙең Үлемһеҙ полкы» хәрәкәтенең төбәк штабы етәксеһе Вадим Курилов журналистарға быйыл Өфөлә уның маршруты оҙайтылыуы хаҡында һөйләне.
«Колонна Октябрь проспекты менән Шәфиев урамы киҫелешендә теҙелә башлай. Ул «Галле округы» туҡталышына тиклем һуҙыла. Акция «Дан бульвары» туҡталышында тамамлана. Өфөлә «Үлемһеҙ полк» алдынан, былтырғы кеүек үк, өсмөйөш булып теҙелеп, аҡ костюм кейгән балалар бара. Уларҙың артынан Еңеү байрағы күсермәһен һәм 112-се Башҡорт атлы дивизияһы байрағын тотҡан төркөм эйәрә. Республика етәксеһе Радий Хәбировҡа, Өфө мэры Өлфәт Мостафинға һәм республиканың хәрби комиссары Игорь Харченкоға төркөмдө етәкләргә тәҡдим иттек. Башҡортостанда тыуып үҫкән Советтар Союзы Геройҙарының һәм Дан ордены кавалерҙарының туғандары уларҙың эргәһенән бара», — тине Вадим Курилов.
Өфөлә һәм башҡа ҡалаларҙа «Үлемһеҙ полк»та ҡатнашыусыларҙың йыйылыу ваҡыты — иртәнге сәғәт 10-дан 11-гә тиклем.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».