Башҡортостан һәм Өфө яңылыҡтары
69.59
+0.26
75.78
+0.37
83.79
-0.71
-6 °C
Болотло
Бөтә яңылыҡтар
Йәмғиәт
4 Апрель 2019, 15:35

Башҡортостан йылғаларында һыу күтәрелә башланы

ӨФӨ, 2019 йыл, 4 апрель. /«Башинформ» мәғлүмәт агентлығы, Гөлфиә Акулова/. Башҡортостан йылғаларында һыу күтәрелә башланы. Республиканың гидрометеорология һәм тирә-яҡ мөхитте күҙәтеү идаралығы мәғлүмәттәренә ярашлы, бөгөн иртән Бочкарев ауылы янындағы Дим йылғаһында һыу кимәле бер тәүлектә 35 сантиметрға — 2 метр 75 сантиметрға тиклем күтәрелгән.
Өфөлә Ағиҙел йылғаһының кимәле 24 сантиметрға артҡан һәм хәҙер 63 сантиметр тәшкил итә.
Стәрлетамаҡ янындағы Ағиҙел 21 сантиметрға — 1 метр 56 сантиметрға күтәрелгән.
Шакшала Өфө йылғаһының кимәле элеккесә ҡалған — 1 метр 34 сантиметр.
«Башинформ» агентлығы хәбәр иткәнсә, төбәктә көслө ташҡын көтөлмәй. Һыуҙың максималь кимәле нормаға ярашлы һәм түбәнерәк булыр тип фаразлана.
Өфөлә Ағиҙел йылғаһының көтөлгән максималь кимәле — 560-660 сантиметр, Шакшала Өфө йылғаһының — 620-720 сантиметр, Бочкарев янында Димдең — 570-670 сантиметр.
Читайте нас в