Башҡортостан һәм Өфө яңылыҡтары
91.35
+0.02
99.11
+0.38
82.64
-0.16
-9 °C
Болотло
Бөтә яңылыҡтар
Йәмғиәт
2 Апрель 2019, 17:31

Баш ҡалала санитар айлыҡ ваҡытында «Махсус автохужалыҡ» сүп-сарҙы бушлай ҡабул итә

ӨФӨ, 2019 йыл, 2 апрель. /«Башинформ» мәғлүмәт агентлығы, Розалиә Вәлиева/. Санитар айлыҡ ваҡытында, 11 майға тиклем, «Өфөнөң махсус автохужалығы» сүп-сарҙы бушлай ҡабул итә. Был хаҡта бөгөн мэриялағы оператив кәңәшмәлә Өфө хакимиәтенең экология һәм тирә-яҡ мөхитте һаҡлау бүлеге етәксеһе Юлия Косарева хәбәр итте.
Республикала дөйөм өмәләр 6 һәм 27 апрелдә, ҡалала иһә 6, 20, 27 апрелдә ойошторола. Санитар йомалар 11 майға тиклем аҙна һайын үткәрелә.
Өфөлә йәшәүселәр йәшелләндереүгә ғаризаны интерактив картала, шулай уҡ экология бүлегендә һәм район хакимиәттәрендә ҡалдыра ала. Өфөлә ҙур ағастар ултыртыу өсөн 196 урын билдәләнгән.
«Карта берҙәм тәҙрә режимында ҡаланың экологик мәсьәләләрен хәл итергә мөмкинлек бирә. Ике йыл эсендә ҡала халҡының мөрәжәғәттәре буйынса 277 сүплек юҡ ителгән», — тип билдәләне Юлия Косарева.
Ҡала хакимиәте башлығы урынбаҫары Салауат Хөсәйенов «ағастар оҙаҡ үҫһен өсөн» ҙур ағастар һәм үҫентеләр ултыртыу урындарын контролдә тоторға ҡушты.
Читайте нас в