Радий Хәбиров сүп-сар сығарыу өсөн хаҡты арттырыу тураһында: «70 тип әйткәс, тимәк, 70!»

автор

IMPORT Сервисный

ӨФӨ, 2019 йыл, 18 февраль. /«Башинформ» мәғлүмәт агентлығы, Гөлфиә Акулова/. Бөгөн Хөкүмәттәге оператив кәңәшмәлә республика башлығы вазифаһын ваҡытлыса башҡарыусы Радий Хәбиров төбәктә сүп-сар сығарыу өсөн билдәләнгән хаҡты арттырыуға ҡырҡа ҡаршы булыуын белдерҙе.

Бынан алда уның талабы буйынса төбәктә түбәндәге түләүҙәр билдәләнде: күп фатирлы йорттарҙа йәшәүселәр өсөн сумма — 70 һумдан, ә ауылдарҙа һәм әлегәсә сүп-сар йыйыу системаһы ойошторолмаған тораҡ пункттарҙа 35 һумдан артмаҫҡа тейеш.

«Минең менән алып еткерелмәгән табыш тураһында һөйләшеүҙәр алып барырға кәрәкмәй! 70 тип әйткәс, тимәк, 70! Ә төбәк операторҙарының эш сифатын баһаларбыҙ әле. Әлегә уларҙан ҙур инвестиция һалыуҙы күрмәйем. Улар аҡса һалып, сүп-сарҙы сорттарға айырыу буйынса 20 завод төҙөһәләр, аңлайым, ул саҡта килһендәр, һөйләшербеҙ. Әлегә миңә уларға нисек ауыр икәнен әйтмәгеҙ», — тип билдәләне республика етәксеһе.

Ведомстволар республикала сүп-сар йыйыу тарифтарын һәм нормативтарын бер нисә тапҡыр ҡараны. Декабрҙә төбәк операторҙарының тарифтары 4-29% кәметелде. Башҡортостандың Тарифтар буйынса дәүләт комитеты декабрҙә яҡынса ошо хаҡтарҙы билдәләне: күп фатирлы йорттарҙа йәшәүселәргә — 70-тән алып 98 һумғаса, шәхси йорттарҙа йәшәүселәргә — 71-ҙән 100 һумға тиклем. Башҡортостан етәксеһе был суммалар менән ризалашманы.

Уҙған аҙнала республика Экология министрлығы республика биләмәһендә контейнер майҙансыҡтарын төҙөүгә бәйле сүп-сар сығарыу хаҡының артыуы тураһында хәбәр иткәйне.

http://www.bashinform.ru/news/1274690-radiy-khabirov-o-povyshenii-platezhey-za-vyvoz-musora-skazal-70-znachit-70-/

#сүп-сар сығарыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.