Четверг, 30 Апреля 2026

Уфа

+10 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

08:31 (UTC+5), 11 Февраля 2019

Ырымбурҙа Башҡорт мәҙәниәте һәм мәғарифы көндәренә старт бирелде

IMPORT Сервисный

ӨФӨ, 2019 йыл, 11 февраль. /«Башинформ» мәғлүмәт агентлығы, Ләйлә Аралбаева/. Ырымбурҙа Башҡорт мәҙәниәте һәм мәғарифы көндәренә старт бирелде. 8 февралдә бында «Карауанһарай» Ырымбур өлкәһе башҡорттары ҡоролтайы» йәмәғәт хәрәкәте ултырышы һәм Сибай дәүләт филармонияһы концерты уҙҙы.

Хәтерегеҙгә төшөрәбеҙ, 1917 йылдың 16 ноябрендә Ырымбурҙа Совет хөкүмәтенең 1919 йылдың 20 мартындағы рәсми килешеүе менән раҫланған Башҡорт автономияһы иғлан ителде.

Ҡоролтайҙың башҡарма комитеты Айгөл Шәрәфетдинова хәбәр итеүенсә, тантаналы ултырышта Башҡорт Автономиялы Республикаһының үҫеш тарихы, Башҡорт Хөкүмәтенең Ырымбурҙағы эшмәкәрлеге һәм Ырымбур ерендә тыуып үҫкәндәрҙең башҡорт милли хәрәкәтендә ҡатнашыуы хаҡында һүҙ барҙы. Ырымбур дәүләт аграр университеты уҡытыусыһы Фәрит Нәҙершин, Башҡорт дәүләт университеты доценты Нурислам Ҡалмантаев, Башҡортостан Милли архивының бүлек етәксеһе Азат Ярмуллин һәм башҡалар доклад менән сығыш яһаны. Ырымбур өлкәһе башҡорттары ҡоролтайы эшмәкәрлеге тураһында уның етәксеһе Йәғәфәр Яманһарин таныштырҙы. «Карауанһарай» башҡорт гәзите мөхәррире Салауат Аҡдәүләтов Ырымбурҙа туған телде һаҡлауҙа башҡорт баҫмаһының роле тураһында һөйләне.

Киңәйтелгән ултырыш V Бөтә донъя башҡорттары ҡоролтайында ҡатнашыу өсөн делегаттар билдәләү менән тамамланды. Съезда Ырымбур башҡорттарын 16 кеше күрһәтә, уларҙың 40 проценты – йәштәр.

Ырымбур өлкәһе хакимиәтенең Эске сәйәсәт идаралығы етәксеһе Базаргалей Ермеков, Башҡортостан Республикаһы Дәүләт Йыйылышы депутаты Гөлнур Ҡолһарина сараның ҡунаҡтары булды. Башҡортостандың мәҙәниәт министры урынбаҫары Рәнис Алтынбаев Ырымбур өлкәһе хакимиәте вәкиленә ҡурай бүләк итте.

Ултырышты Бөтә донъя башҡорттары ҡоролтайы етәксеһе Данир Ғәйнуллин алып барҙы. Ул ойошманың проекттары хаҡында һөйләне һәм ырымбурҙарҙы «Башҡортостан Республикаһы дәүләтселегенең барлыҡҡа килеүе һәм үҫеше: 100 шәхес» проектына әүҙемерәк ҡушылырға, Ырымбур ерендә тыуып үҫкән күренекле шәхестәрҙең исемдәрен мәңгеләштереү өҫтөндә эшләргә, шулай уҡ Башҡорт халҡын үҫтереү стратегияһын булдырыуҙа ҡатнашырға саҡырҙы.

«Барыбыҙ өсөн дә мөһим булған тағы бер ваҡиға – ағымдағы йылдың апреленә билдәләнгән Бөтә Рәсәй башҡорт теле һәм әҙәбиәте уҡытыусылары съезы. Уның маҡсаты – республикала, Рәсәйҙең башҡорт халҡы тығыҙ йәшәгән төбәктәре мәктәптәрендә башҡорт теле һәм әҙәбиәте уҡытыусыһының эшмәкәрлеген популярлаштырыу, уның абруйын күтәреү», – тине Данир Ғәйнуллин.

Төбәктә ижади коллективтар әүҙем эшләй. Улар – Ырымбурҙа «Туҡсоран», Красногвардейский районында – «Таң йондоҙо», Орскиҙа – «Ләйсән», Александровка районында – «Хазина», Новосергиевский районында – «Йәшлек» һәм башҡалар. Ҡоролтай етәксеһе уларға башҡорт костюмдарын һатып алыуҙа мөмкин булғанса ярҙам күрһәтеләсәген әйтте.

Башҡортостан ойошторолоуҙың 100 йыллығын байрам итеү барышында Рәсәй Федерацияһы субъекттарында Мәҙәниәт һәм мәғариф көндәрен уҙғарыу халыҡ-ара проектын һигеҙ төбәктә, Мәскәү һәм Санкт-Петербург ҡалаларында тормошҡа ашырыу күҙаллана.

http://www.bashinform.ru/news/1271756-v-orenburge-dan-start-dnyam-bashkirskoy-kultury-i-prosveshcheniya/

1 из 12

#ҡоролтай

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.