Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Болотло
Бөтә яңылыҡтар
Йәмғиәт
7 Февраль 2019, 16:47

Сибай карьерын һыу менән тултырыу 8 февралдә башлана

видеонан скриншот
видеонан скриншот
ӨФӨ, 2019 йыл, 7 февраль. /«Башинформ» мәғлүмәт агентлығы, Наталья Овчарук/. Йома, 8 февралдә, Сибай карьерын һыу менән тултырыу башлана. Урындағы телевидениеның тура эфирында Учалы тау-байыҡтырыу комбинатының Сибай филиалы директоры Йәүҙәт Биккинов шул хаҡта белдерҙе.
«Ошоға тиклем карьерға һыу тултырылманы. Бөгөнгә бөтә әҙерлек эштәре тамамланды. Карьерҙы һыу менән тултырыу 500-600 метр тәрәнлектән башлана», — тип аңлатты тау-металлургия компанияһы вәкиле.
Предприятие етәкселеге сибайҙарға алып барылған эштәр барышы тураһында мәғлүмәт менән таныштырып барырға вәғәҙә бирҙе.
«Ҡыҙғанысҡа ҡаршы, шахталағы процесты тура эфирҙа күрһәтеп йәки видеоға төшөрөп булмай», — тине Йәүҙәт Биккинов.
Бынан алда «Башинформ» 2018 йылдың ноябренән Сибай ҡалаһында йәшәүселәрҙән һауалағы насар еҫ тураһында хәбәр килә башлауы тураһында яҙҙы. Күпмелер ваҡыттан һуң белгестәр Сибай карьерында руда төтәүен һәм һауаға көкөртлө газ бүленеп сығыуын асыҡланы. Башҡортостан Башлығы вазифаһын ваҡытлыса башҡарыусы Радий Хәбиров был хәлде иғтибарһыҙ ҡалдырманы. Республика етәксеһе, ғалимдар менән кәңәшләшеп, карьерҙы һыу менән тултырыу тураһында ҡарар ҡабул итте. Уны 2019 йылдың 20 мартына тамамлау күҙаллана.
Ошо тема буйынса күберәк материалдарҙы «Башинформ» мәғлүмәт агентлығының махсус бүлегендә уҡығыҙ.
Читайте нас: