89.82
0
Башҡортостан һәм Өфө яңылыҡтары
99.72
0
71.06
-1.63
7+ °C
Болотло
Бөтә яңылыҡтар
Йәмғиәт
5 Февраль 2019, 09:24
Республикала йүнәлтмәле студенттар һанын 5-тән 70 процентҡа тиклем арттырыу күҙаллана
Олег Яровиков
ӨФӨ, 2019 йыл, 5 февраль. /«Башинформ» мәғлүмәт агентлығы, Галина Бахшиева/. Республика маҡсатлы йүнәлтмә буйынса уҡыған студенттар һанын 5-15 проценттан 65-70 процентҡа тиклем арттырырға йыйына. Башҡортостан Дәүләт Йыйылышы — Ҡоролтайҙың Мәғариф, мәҙәниәт, йәштәр сәйәсәте һәм спорт комитеты рәйесе Раил Әсәҙуллин Өфөлә Халыҡ-ара хеҙмәт ойошмаһының «Хеҙмәт өлкәһенең киләсәге» форумында ошо турала белдерҙе.
Һәр вуз уҡыуҙы тамамлаған йәш белгестәрҙең производствола эшләүен теләй. Ләкин производство күп кенә позициялар буйынса белгес шунда нығынып ҡалһын өсөн уның мәнфәғәттәрен тәьмин итмәй, тине Раил Әсәҙуллин.
«Республика юғары уҡыу йорттарында студенттарҙы маҡсатлы уҡытыу 5-15 процент тәшкил итә. Алдыбыҙға 65-70 процентҡа өлгәшеү, йәки бөгөн медицина һәм аграр университеттарында булған һандарға еткереү маҡсатын ҡуйҙыҡ. Республика быны хупланы, төбәк ҡаҙнаһына бүленгән махсус аҡса бар», — тип хәбәр итте ул.
Спикер һүҙҙәренсә, быйыл мәғарифҡа йүнәлтелгән бюджет аҡсаһы 2018 йылда ошо маҡсатҡа, шул иҫәптән йүнәлтмәле белгестәр әҙерләүгә бүленгән аҡсаға ҡарағанда 1,5 тапҡырға күберәк.
«Хеҙмәт өлкәһенең киләсәге» халыҡ-ара форумында ҡатнашыусылар фекеренсә, мәғариф һәм производство белгестәр әҙерләү өсөн берҙәм белем биреү киңлеген булдырырға тейеш.
Әйтәйек, Башҡортостанда Ректорҙар һәм предприятиелар советы, Эш биреүселәр союзы кластер сиктәрендә профессиональ мәғарифтың өҙлөкһөҙ системаһын берләштергән махсус хоҡуҡи платформа булдырыуҙы күҙ уңында тотҡан килешеү төҙөнө.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».