Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Ҡар
Бөтә яңылыҡтар
Йәмғиәт
22 Ғинуар 2019, 09:29

Башҡортостанда йәшәүселәрҙе «Эшкә - велосипедта» акцияһына ҡушылырға саҡыралар

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2019 йыл, 22 ғинуар. /«Башинформ» мәғлүмәт агентлығы, Ләйлә Аралбаева/. 17 майҙа һәм 20 сентябрҙә Рәсәйҙә йәнә «Эшкә - велосипедта» акцияһы уҙғарыла. Башҡортостанда йәшәүселәрҙе акцияға ҡушылырға саҡыралар.
«Көндәлек эштәрҙе башҡарыу өсөн велосипедта йөрөү — еңел һәм уңайлы, бының өсөн махсус кейем йәки әҙерлек кәрәкмәй», — ти ойоштороусылар.
Акция граждандарҙы шәхси автотранспорт урынына хәрәкәт итеүҙең әүҙем төрҙәрен йышыраҡ файҙаланырға күндерергә, сәләмәт йәшәү рәүешен пропагандалауҙы әүҙемләштерергә, дәүләт, коммерция һәм дәүләткә ҡарамаған ойошмаларҙың иғтибарын ҡаланың экологияһын һаҡлау һәм транспорт эшен яҡшыртыу проблемаларына йәлеп итергә ярҙам итә.
2018 йылда «Эшкә - велосипедта» акцияһы илдең 35 төбәгендә үтте. Акцияға 400-ҙән ашыу компания ҡушылды, ундағы хеҙмәткәрҙәрҙең дөйөм һаны - 1 миллиондан күберәк.
Акция тураһында тулыраҡ мәғлүмәт менән www.bike2work.ru сайтында танышырға мөмкин.
Читайте нас: