Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
1+ °C
Ҡар
Бөтә яңылыҡтар
Йәмғиәт
29 Декабрь 2018, 11:02

Яңы йылда һәм Раштыуала Башҡортостанда полиция 330-ҙан ашыу объектта дежур итә

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2018 йыл, 29 декабрь. /«Башинформ» мәғлүмәт агентлығы/. Башҡортостан Эске эштәр министрлығы хеҙмәткәрҙәре яңы йыл төнөндә һәм Христос Раштыуаһы байрамында дежурлыҡ итергә әҙерләнә. Дружинниктар, шәхси һаҡ агентлыҡтары һәм казактар вәкилдәре менән бергә 2018 йылдың 31 декабренән 2019 йылдың 1 ғинуарына ҡарай төндә республика буйынса 180-дән ашыу объект һаҡ аҫтына ҡабул ителә. Бынан тыш, дини биналар ҙа һаҡ аҫтында була.
«6 ғинуарҙан 7-һенә ҡарай төндә 150-нән ашыу ҡорамда һәм сиркәүҙә хәүефһеҙлек тәьмин ителә, — тип хәбәр иттеләр республика Эске эштәр министрлығының матбуғат хеҙмәтендә. — Полиция пиротехник изделиеларҙы файҙаланғанда, шулай уҡ спиртлы эсемлектәр ҡулланғанда һаҡ булырға кәрәклеге тураһында иҫкә төшөрә. Шуны онотмағыҙ: иҫерек кешенең енәйәт йәки бәхетһеҙ осраҡ ҡорбаны булыуы, шулай уҡ үҙе законды боҙоуы мөмкин».
Файҙалы телефондар:
Башҡортостан Республикаһы буйынса Эске эштәр министрлығының дежур бүлеге— (347) 279-39-02,
Башҡортостан Республикаһы буйынса Эске эштәр министрлығының ышаныс телефоныт— (347) 279-32-92
йәки 02 (кеҫә телефонынан — 102).
Бөтә телефондар тәүлек әйләнәһенә эшләй.
Читайте нас: