Шишәмбе, 12 Май 2026

Өфө

+13 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Йәмғиәт

04:24 (UTC+5), 21 Декабрь 2018

Башҡортостандың ҡала һәм район дауаханалары 23 ашығыс медицина ярҙамы автомобилдәрен алды

Олег Яровиков

IMPORT Сервисный

ӨФӨ, 2018 йыл, 21 декабрь. /«Башинформ» мәғлүмәт агентлығы, Ксения Калинина/. Башҡортостандың ҡала һәм район дауаханалары 20 декабрҙә 23 ашығыс медицина ярҙамы автомобилдәрен алды. Техника асҡыстарын тапшырыу тантанаһы Өфөләге «Торатау» конгресс-холы янындағы майҙанда уҙҙы. Республика Хөкүмәте премьер-министры урынбаҫары вазифаһын башҡарыусы Ленара Иванова Башҡортостан өсөн яңы автомобилдәр һатып алыу һаулыҡ һаҡлау өлкәһендә әһәмиәтле ваҡиға булыуын билдәләне.

«Бөгөн беҙ федераль бюджет аҡсаһы иҫәбенә һатып алынған ашығыс медицина ярҙамы автомобилдәре асҡыстарын тапшырҙыҡ. Бөгөн тәүге 23 автомобиль район-ҡалаларыбыҙға оҙатыла (федераль ҡаҙнанан бөтәһе 49 автомобиль килә – авт. иҫкәрмәһе). Был кешеләрҙең тормошон яҡшыртыр, автомобилдә үк тәүге ярҙам күрһәтергә, ябай ғына тикшереү сараларын башҡарырға мөмкинлек бирер. Шуныһы ла мөһим — был пациенттар өсөн генә түгел, ә табиптар һәм водителдәр өсөн дә уңайлы», — тине Ленара Иванова.

Уның һүҙҙәренсә, республика хөкүмәтенән тағы 172 ашығыс ярҙам автомобилен һатып алыу өсөн аҡса бүленгән, был төбәктең район-ҡалалары автопарктарын һиҙелерлек тулыландырырға һәм яңыртырға тейеш.

Ленара Иванова һаулыҡ һаҡлау министры вазифаһын башҡарыусы Максим Забелин менән бергә республика дауаханаларының баш табиптарына 23 яңы махсус машина асҡыстарын тапшырҙы.

Тулы приводлы «УАЗ»дар Йылайыр, Ишембай, Мораҡ, Нуриман, Малаяҙ үҙәк район дауаханаларына юлланды.

«Ашығыс» «ГАЗ»дарҙы Октябрьский ҡалаһының 1-се дауаханаһы, Салауат ҡалаһы дауаханаһы, Сибай ҡалаһының үҙәк ҡала дауаханаһы, Туймазы, Бишбүләк, Языков, Иглин, Мәләүез, Баймаҡ, Аҡъяр, балтас, Балаҡатай, Ҡариҙел, Ҡыйғы, Раевка, Үрге Тәтешле, Яңауыл, Үрге Йәркәй үҙәк район дауаханалары алды.

«Беҙҙең машина ашығыс медицина ярҙамы күрһәтеү өсөн заманса ҡорамал менән йыһазландырылған. Бындай автомобилдәр алыу менән халыҡҡа медицина ярҙамы күрһәтеү кимәле һәм сифаты бермә-бер яҡшырыр», — тине «Башинформ» агентлығына Туймазы үҙәк район дауаханаһының баш табибы Зәбир Ғиздәтуллин.

Башҡортостан Һаулыҡ һаҡлау министрлығының матбуғат хеҙмәте мәғлүмәте буйынса, автомобилдәр иң кәрәкле медицина ҡорамалдары менән йыһазландырылған: үпкәне яһалма елләтеү, дефибриллятор, электрокардиограф, ингалятор, пульсоксиметр, ҡандағы глюкоза кимәлен экспресс-үлсәү һәм башҡа медицина изделиелары бар. Ашығыс ярҙам автомобилдәренең бөтәһенә лә ГЛОНАСС навигация ҡорамалы ҡуйылған.

1 из 11

http://www.bashinform.ru/news/1254107-gorodskie-i-rayonnye-bolnitsy-bashkirii-poluchili-23-avtomobilya-skoroy-medpomoshchi/

#медицина #транспорт #ашығыс ярҙам

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.