Башҡортостандың Мәғариф министрлығы мәктәптәрҙә репетиторлыҡҡа ҡаршы көрәш башлай

Олег Яровиков

IMPORT Сервисный

ӨФӨ, 2018 йыл, 12 декабрь. /«Башинформ» мәғлүмәт агентлығы, Эльмира Сабирова/. Башҡортостандың мәғариф министры вазифаһын башҡарыусы Айбулат Хажин иҫәпләүенсә, репетиторлыҡ кеүек күренеште еңергә кәрәк, сөнки уҡытыусылар аңлы рәүештә дәрестә бөтә кәрәкле мәғлүмәтте биреп еткермәй, шул рәүешле өҫтәмә дәрестәр алыуға этәрә.

«Бала мәктәптә уҡый һәм аҙаҡ репетиторҙар менән шөғөлләнә — был бит башҡа һыймаҫлыҡ хәл. Мин бындай системаға ҡәтғи ҡаршымын, — тип белдерҙе ведомство башлығы. — Беҙҙә уҡытыусылар федераль дәүләт мәғариф стандарттары сиктәрендә белем биреү программаһын бойомға ашырған өсөн хеҙмәт хаҡы ала. Һәр контроль-үлсәү материалы тулыһынса тиерлек уҡыу курсының программаһын ҡабатлай, уның сиктәренән сыҡмай. Әгәр уҡытыусыларҙан теге йәки был фәндәр буйынса: «Һеҙ Мария Ивановнаға барығыҙ, ул һеҙҙе мотлаҡ әҙерләр, ярҙам итер, һәм һеҙ уңышлы тапшырырһығыҙ» тигән тәҡдимдәр килә башлаһа, ата-әсәләргә йәки законлы вәкилдәргә тейешле органдарға: Мәғариф министрлығына, Мәғариф өлкәһендә контроль һәм күҙәтеү идаралығына мөрәжәғәт итергә кәңәш бирәм. Һәр осраҡта ҡарар ҡабул итербеҙ».

Айбулат Хажин әйтеүенсә, репетиторлыҡтың барлыҡҡа килеүенә бер ни тиклем «уҡытыусылар хеҙмәтен дәртләндереүҙең боҙолған системаһы» сәбәпсе.

«Уҡытыусы нимә өсөн эшләүен, нимә өсөн аҡса алыуын аңларға, уның эш һөҙөмтәһе уның эш хаҡында сағылыш табырға тейеш, — тип иҫәпләй мәғариф министры вазифаһын башҡарыусы. — Мәҫәлән, уҡытыусы уҡыусыларҙың бөтә Рәсәй олимпиадаһы призерын әҙерләгән икән, уға финанс ярҙамын күрһәтеү зарур. Өс призер булһа, өсләтә күләмдәге премия. Был бик мөһим».

Аҙ комплектлы мәктәп уҡыусыларына дәүләт йомғаҡлау аттестацияһын үтергә һәм төп программаны үҙләштерергә ярҙам итеү өсөн бушлай онлайн-курстар асыу күҙаллана.

«Беҙ мәктәптәрҙә репетиторлыҡҡа кәртә ҡуябыҙ», — тине Айбулат Хажин.

http://www.bashinform.ru/news/1249642-minobrazovaniya-bashkirii-budet-borotsya-s-repetitorstvom-v-shkolakh/

#мәғариф #айбулат хажин

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.