«Тамыр» балалар телеканалы — «СМИротворец» Бөтә Рәсәй конкурсы еңеүсеһе

ӨФӨ, 2018 йыл, 23 ноябрь. /«Башинформ» мәғлүмәт агентлығы, Азат Ғиззәтуллин/. «Тамыр» балалар телеканалы «СМИротворец» Бөтә Рәсәй киң мәғлүмәт саралары конкурсының «Балалар һәм йәштәр киң мәғлүмәт саралары» номинацияһында беренсе урынды алды. Конкурсҡа 10 меңдән ашыу эш тәҡдим ителгән. Жюри ағзалары «Тамыр» балалар-үҫмерҙәр телеканалының «Йырсы сәскәләр иле» проектын юғары баһаланы. Был номинацияла өсөнсө урынды «Дуҫлыҡ каруаны. Этноуйындар» эше менән Бүрәтстан телевидениеһы алды, икенсе урында — «Хәйерле иртә, кескәйҙәр» проекты менән «Карусель» федераль телеканалы.

«Дөрөҫөн әйткәндә, быйыл еңермен тип уйламаным, — ти Мәскәүҙә «Геликон-Опера» сәхнәһендә награда алған тапшырыу режиссеры Әҙилә Һөнәрғолова. — Финалға «Карусель» федераль каналы тапшырыуы сыҡты, минеңсә, беҙгә, төбәк телеканалдарына, еңеүгә өмөт ҡалдырманы. Ләкин беҙҙең «Йырсы сәскәләр иле» жюриҙы әсир итте. «СМИротворец» конкурсына һәм Этник-ара журналистика гильдияһы президенты Маргарита Лянгеға ҙур интернациональ майҙансыҡ өсөн рәхмәт».

«Тамыр» балалар-үҫмерҙәр телеканалының «Ил...» циклынан «Йырсы сәскәләр иле» тапшырыуы йәй көнө башҡорт музыкаһы факультеты студенттарының этнографик экспедицияһы ваҡытында төшөрөлгән.

«Был программаны ижади төркөм ҙур һөйөү һәм оло яуаплылыҡ менән эшләне. Башҡорт халҡының йәне — ҡурай тураһында ниндәйҙер яңы мәғлүмәт биреү бик ҡыйын. Ләкин проекттың һәләтле командаһы тарихты сағыу, дәртле, заманса итеп күрһәтә алды. Сценарий авторы Татьяна Никитинаға, алып барыусы Земфира Рәшитоваға, оператор Марат Юнысовҡа, рәссамдар Айрат Арыҫлановҡа һәм Айгөл Бикбаеваға, монтаж инженеры Шамил Хәмитовҡа һәм, әлбиттә, режиссер Әҙилә Һөнәрғоловаға рәхмәт», — тип һөйләне «Башинформ» агентлығына «Тамыр» балалар-үҫмерҙәр телеканалы директоры Гөлназ Ҡолһарина.

http://www.bashinform.ru/news/1242522-detskiy-telekanal-tamyr-stal-pobeditelem-10-go-vserossiyskogo-konkursa-smirotvorets/

#«тамыр» балалар-үҫмерҙәр телеканалы #конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.