Башҡортостанда балаларҙы «Ҡыш бабайға хат» проектында ҡатнашырға саҡыралар

«Башинформ» мәғлүмәт агентлығы

ӨФӨ, 2018 йыл, 9 ноябрь. /«Башинформ» мәғлүмәт агентлығы, Әлфиә Әғлиуллина/. Башҡортостанда йәшәүселәрҙе «Ҡыш бабайға хат» балалар республика проектында ҡатнашырға саҡыралар. Өфөнөң «Ҡаланы үҫтереү йәмәғәт фонды» һәм Ҡыш бабайҙың Серле хеҙмәте хаттар ҡабул итә башланы ла инде.

Проектта 3-15 йәшлек балалар ҡатнаша ала. Шарттар буйынса, улар Ҡыш бабайға хат яҙырға һәм 2018 йылда ниндәй изге эштәр башҡарыуҙары хаҡында һөйләргә, шулай уҡ Ҡыш бабайҙың Серле хеҙмәтенән махсус талаптарҙы үтәргә тейеш.

Хаттарҙы башҡарылған эштәр менән бергә 2018 йылдың 23 ноябренә тиклем 450098, Өфө ҡалаһы, «Ҡыш бабайға хат» абонент йәшниге адресы буйынса йәки pismo-dedumorozu@list.ru электрон почтаһына ебәрергә кәрәк.

Конкурс еңеүселәре — социаль әһәмиәтле эштәрҙең авторҙары — Ҡыш бабайҙың Өфөләге Раштыуа шыршыһына саҡырыу ала. Байрам 2019 йылдың ғинуарында мәктәп каникулдары ваҡытында ойошторола.

Быйыл «Ҡыш бабайға хат» балалар республика проекты 16-сы тапҡыр уҙғарыла һәм Башҡортостан Республикаһында — Ғаилә, Рәсәйҙә Ирекмән йылына арналған.

Проекттың төп маҡсаты — балалар хәйриәлеге хәрәкәтен тергеҙеү. Башҡортостан балалары тирә-йүндәгеләр һәм үҙҙәре йәшәгән ер өсөн изге һәм файҙалы ғәмәлдәр башҡара.

Шарттарға ярашлы, бүләк һорап яҙылған хаттар ҡаралмай. Конкурста изге эштәр тураһында бәйән иткән хаттар ғына ҡатнаша.

«Ҡыш бабайға хат» проекты тураһында тулыраҡ мәғлүмәт менән Өфөнөң «Ҡаланы үҫтереү йәмәғәт фонды» сайтында танышырға мөмкин.

http://www.bashinform.ru/news/1235913-yunykh-zhiteley-bashkirii-priglashayut-prinyat-uchastie-v-proekte-pismo-dedu-morozu/

#ҡыш бабайға хат #ҡаланы үҫтереү йәмәғәт фонды

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.