Өфөнән ун беренсе класс уҡыусыһы Азияның төп матурлыҡ конкурсында Башҡортостан исеменән сығыш яһай

«Башҡортостан һылыуҡайы» агентлығы

ӨФӨ, 2018 йыл, 2 ноябрь. /«Башинформ» мәғлүмәт агентлығы, Эльмира Сабирова/. Өфөләге «Берҙәмлек» лицейының ун беренсе класс уҡыусыһы Рената Нәҙершина Һиндостанда Азияның төп матурлыҡ конкурсында Башҡортостан исеменән сығыш яһай.

«Азия һылыуҡайы» 3-11 ноябрҙә ойошторола, унда Ҡытай, Көньяҡ Корея, Индонезия, Филиппин, Ҡаҙағстан, Ҡырғыҙстан, Япония һәм башҡа илдәрҙән 30-ҙан ашыу ҡыҙ ҡатнаша. Конкурс дауамында ҡатнашыусыларҙы экскурсиялар, оҫталыҡ дәрестәре, фото һәм видео-сессиялар, хәйриә саралары һәм ҙур финал шоуы көтә, унда милли кейемдәрҙә илдәр менән таныштырыу, интелллектуаль этап, ҡупшы күлдәктәрҙә дефиле ҡаралған.

Ике йыл элек Рената «Башҡортостан һылыуҡайы» модель агентлығының моделдәр мәктәбен тамамланы һәм шунда уҡ уның төп составына инде, ти агентлыҡ етәксеһе Луиза Закирйәнова.

Өфө уҡыусыһы — «Өфө сибәре — 2018» конкурсы еңеүсеһе, «Башҡортостан һылыуҡайы — 2017», «Рәсәйҙең туризм һылыуҡайы — 2017» Бөтә Рәсәй конкурсы призеры, «Байкалдағы этноподиум» халыҡ-ара фестивале ҡатнашыусыһы.

Хәтерегеҙгә төшөрәбеҙ, ошо көндәрҙә республиканың тағы ла бер һылыуҡайы Галина Лукина Японияла «Miss International 2018» матурлыҡ конкурсында Рәсәй исеменән сығыш яһай.

http://www.bashinform.ru/news/1233065-ufimskaya-odinnadtsatiklassnitsa-predstavlyaet-bashkiriyu-na-glavnom-aziatskom-konkurse-krasoty/

Теги:матурлыҡ конкурстары

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».