Башҡортостан һәм Өфө яңылыҡтары
93.44
0
99.73
0
90.21
-0.33
2+ °C
Болотло
Бөтә яңылыҡтар
Йәмғиәт
30 Октябрь 2018, 13:35

Өфөлә «АҫылташХ» форумы Башҡортостан йәштәрен йыя

ӨФӨ, 2018 йыл, 30 октябрь. /«Башинформ» мәғлүмәт агентлығы, Ләйлә Аралбаева/. 30 октябрҙә «Башҡортостан» Lifestyle үҙәгендә «АҫылташХ» сараһы уҙа. Форум Өфө ҡалаһының алдынғы башҡорт йәштәрен йыя, унда республика лидерҙарының сығышы көтөлә.
«АҫылташХ» - ТED-конференция мотивтары буйынса эшләнгән проект, әммә ул тәүгә башҡорт телендә уҙа. Сығыш яһаусы спикерҙарҙарҙың бурысы – 15-20 минут эсендә үҙҙәренең инсайттарын аңлатып биреү, тәжрибәләре тураһында һөйләү йәки аудиторияға мөһим фекерҙе еткереү. «Идеялар таратыуға лайыҡ», — тип яңғырай ТED конференцияһы слоганы.
Сығыш яһаусылар араһында — модельер Гүзелиә Бай, «Башҡорт проекттары»н ойоштороусы Илдар Кинйәбулатов, музыкант Рузилә Йәмилова, стартапер Тамьян Ғәбитов, эшҡыуар, сәйәхәтсе Денис Өмөтбаев.
Сарала башҡорт телен аңлаған бөтә теләүселәр ҡатнаша ала. Бының өсөн һылтанма буйынса теркәлергә һәм инеү билетын түләргә кәрәк.
«Аҫылташ» бренды сиктәрендә бер нисә сара: башҡорт мәҙәниәте форумы, башҡорт телендә дебаттар, яңыраҡ Республика көнөнә уҙғарылған милли квест эшләй, — тип аңлатма бирҙе ойоштороусылар. — Хәҙер яңы – АҫылташХ проектын эшләтеп ебәрәләр».
Башҡортостандың Йәш яҡташтар ассоциацияһы һәм Башҡортостан Республикаһы Йәштәр гвардияһы сараның ойоштороусылары булып сығыш яһай.
Форум киске сәғәт 7-лә башлана. Тулыраҡ мәғлүмәтте 8 (987) 031-56-65 (Айзилә Мөлөкова) телефоны буйынса алырға мөмкин.
http://www.bashinform.ru/news/1231648-v-ufe-forum-a-yltashkh-soberet-molodezh-bashkortostana/
Автор:Ләйлә Аралбаева
Читайте нас: