Башҡортостанда шәхси клиникалар белешмәләрҙе һәм рецептарҙы электрон төрҙә бирә ала

ӨФӨ, 2018 йыл, 29 октябрь. /«Башинформ» мәғлүмәт агентлығы/. Башҡортостан Республикаһы Дәүләт Йыйылышы — Ҡоролтай депутаттары сираттағы пленар ултырышта «Башҡортостан Республикаһында шәхси медицина эшмәкәрлеге тураһында» Башҡортостан Республикаһы Законына үҙгәрештәр индереү тураһында Закон»ды ҡабул итте. Индерелгән үҙгәрештәргә ярашлы, шәхси медицина эшмәкәрлеге субъекттары пациенттың йәки уның законлы вәкиле ризалығы менән медицина һығымталарын, белешмәләрҙе, дарыуҙарға һәм медицина әйберҙәренә рецептарҙы электрон документтар рәүешендә бирә ала.

«Электрон документ әйләнеше төрлө өлкәләрҙә киңерәк тарала бара, — тине Башҡортостан Республикаһы Дәүләт Йыйылышы — Ҡоролтай рәйесе Константин Толкачев. — Ҡануниәткә тейешле төҙәтмәләр ваҡытында индерелергә тейеш. Законда шәхси медицина ойошмаларының пациенттар, уларға күрһәтелгән медицина ярҙамы, медицина ойошмаларының эшмәкәрлеге, шәхси мәғлүмәттәр өлкәһендә ҡануниәттә билдәләнгән талаптарҙы үтәгән осраҡта, һәм табип серен һаҡлау тураһында мәғлүмәттәр булған медицина мәғлүмәт системаларын булдырыу хоҡуғы ла ҡаралған».

http://www.bashinform.ru/news/1230928-v-bashkirii-chastnye-kliniki-smogut-vydavat-spravki-i-retsepty-v-elektronnom-vide/