2018 йылда республикала 5,5 мең ғаилә күп балалы статусын алды

Олег Яровиков

ӨФӨ, 2018 йыл, 23 октябрь. /«Башинформ» мәғлүмәт агентлығы, Әлфиә Әғлиуллина/. 2018 йылдың ғинуарынан сентябренә тиклем Башҡортостанда ғаиләлә өсөнсө булып тыуған 5 451 бала теркәлгән. Шулай итеп, туғыҙ айҙа республикала 5,5 мең күп балалы ғаилә барлыҡҡа килгән.

Ошо осорҙа Башҡортостанда бөтәһе 35 842 сабый донъяға ауаз һалған, улар иҫәбендә 452 игеҙ, алты өс игеҙ, 1648 дүртенсе һәм 797 бишенсе һәм унан күберәк балалар. Республика Юстиция эштәре буйынса дәүләт комитетының матбуғат хеҙмәте һуңғы туғыҙ айҙың йомғаҡтары буйынса мәғлүмәттәрҙе баҫтырып сығарҙы.

Ведомствола әйтеүҙәренсә, Өфөнөң Киров һәм Калинин райондары, шулай уҡ Стәрлетамаҡ ҡалаһы игеҙ балаларҙың тыуыуы буйынса тәүге урынды биләй. Өфөнөң Совет районында — ике, Нефтекама, Салауат ҡалаларында, Ишембай һәм Благовещен райондарында берешәр өс игеҙ бала донъяға килгән.

Ғаилә, хеҙмәт һәм халыҡты социаль яҡлау министрлығы мәғлүмәттәре буйынса, әле Башҡортостанда 45 мең күп балалы ғаилә йәшәй. Улырҙың 24 меңгә яҡыны төрлө социаль ярҙам саралары менән файҙалана.

Шуны өҫтәп үтәйек: 2019 йылдан Башҡортостанда һигеҙ бала тәрбиәләгән ишле ғаиләләр 600 мең һум аҡса алыу хоҡуғына эйә. Тейешле закон проекты республика Хөкүмәте һәм Хеҙмәт министрлығы тарафынан әҙерләгән һәм Башҡортостан Республикаһы Дәүләт Йыйылышы — Ҡоролтайҙың Һаулыҡ һаҡлау, социаль сәйәсәт һәм ветерандар эштәре буйынса комитеты ултырышында ҡаралған.

http://www.bashinform.ru/news/1228150-okolo-5-5-tysyach-semey-bashkirii-poluchili-status-mnogodetnykh-v-2018-godu/

Теги:башҡортостандың юстиция эштәре буйынса дәүләт комитеты тыуым

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».