Өфөнән 76 саҡрым алыҫлыҡта ер тетрәгән

Башҡортостан Республикаһы буйынса Ғәҙәттән тыш хәлдәр министрлығы

IMPORT Сервисный

ӨФӨ, 2018 йыл, 19 октябрь. /«Башинформ» мәғлүмәт агентлығы, Наталья Овчарук, Ксения Калинина/. 17 октябрҙә көндөҙгө сәғәт 2 тула 44 минутта «Транснефть» асыҡ акционерҙар йәмғиәтендә Өфөнән 76 саҡрым төньяҡ-көнбайыштараҡ ер тетрәүен теркәгән. Был хаҡта «Башинформ» агентлығына компанияның матбуғат секретары Игорь Демин хәбәр итте.

Эпиүҙәк Башҡортостан Республикаһы биләмәһендә 10 километр тәрәнлектә урынлашҡан. Магнитудаһы — 5,6, көсө 6,5-7 балл тәшкил иткән. Үткәргес торбалар зыян күрмәгән», — тип аңлатты нефть ойошмаһының вәкиле.

Республиканың Ғәҙәттән тыш хәлдәр министрлығы мәғлүмәттәре буйынса, Башҡортостан биләмәһендә ер тетрәү тураһында хәбәр 17 октябрҙә килгән. Магнитуда Бөрө районының Новодесяткин ауылы биләмәһендә 10 километр тәрәнлектә 6 балл тәшкил иткән.

«Хәбәрҙе тикшереү һәм эҙемтәләргә мониторинг үткәреү өсөн Бөрө районына Янғынға ҡаршы федераль хеҙмәттең Башҡортостан Республикаһы буйынса 26-сы отряды хеҙмәткәрҙәре ебәрелгән. Шулай уҡ оператив төркөмдәр яҡындағы Кушнаренко, Дүртөйлө, Мишкә, Благовещен, Борай райондарын тикшереп сыҡҡан. Йорттар һәм биналар емерелмәгән, һәләк булған һәм зыян күргән кешеләр юҡ», — тип аныҡлыҡ индерҙеләр ведомствола.

Хәбәр итеүҙәренсә, был көндә урындағы халыҡ һәм ауыл биләмәһе башлығы ер тетрәүен тоймаған. Рәсәй Фәндәр академияһы Берҙәм геофизика хеҙмәтенең рәсми сайтында Башҡортостанда ер тетрәү тураһында мәғлүмәт юҡ, тип билдәләнеләр республика Ғәҙәттән тыш хәлдәр министрлығында.

Хәтерегеҙгә төшөрәбеҙ, был Башҡортостанда ошондай икенсе осраҡ. 5 сентябрҙә Өфөлә, Салауат һәм Белорет райондарында ер тетрәү күҙәтелде. Ул саҡта магнитуда Уралда 5,5 булды (Өфөнән 133 саҡрым көнсығыштараҡ).

Башҡортостанда ер тетрәүҙәр тураһында нимә белергә кәрәклеге хаҡында «Башинформ» мәғлүмәт агентлығының махсус проектында уҡығыҙ.

http://www.bashinform.ru/news/1226555-v-76-km-ot-ufy-zafiksirovano-zemletryasenie/

#ер тетрәү #башҡортостан #өфө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.