Рәсәйҙәрҙе электрон паспорттарға күсерә башлайҙар

IMPORT Сервисный

ӨФӨ, 2018 йыл, 9 октябрь. /«Башинформ» мәғлүмәт агентлығы, Галина Бахшиева/. 2021 йылдан Рәсәйҙә граждандарҙы электрон паспорттарға күсерә башларға уйлайҙар, тип хәбәр итә РБК.

Электрон паспорттар яйлап ҡағыҙ паспортты тулыһынса алмаштырырға тейеш. Уның электрон чип менән пластик карта рәүешендә әҙерләнеүе мөмкин. Электрон паспорттар индереү буйынса проект сентябрҙә Рәсәй хөкүмәтендәге ике кәңәшмәлә тикшерелде.

Чипҡа хәҙерге паспорттағы мәғлүмәт кенә яҙылмай. Һүҙ бер документта СНИЛС, водитель танытмаһы һәм башҡа шәхси мәғлүмәттәрҙе берләштереү хаҡында бара. Шуның менән параллель рәүештә Рәсәйҙәге бөтә халыҡтың берҙәм мәғлүмәттәр базаһы булдырылырға тейеш.

Рәсәйҙәрҙе электрон паспорттарға күсереү реформаһының хаҡы 2024 йылға тиклем 114,4 миллиард һум тәшкил итеүе мөмкин. Бюджет өсөн был сумманы яңы документ алыу өсөн дәүләт пошлинаһы иҫәбенә ҡаплау күҙаллана.

Электрон паспорт, юридик яҡтан әһәмиәтле ғәмәлдәр башҡарыу өсөн барлыҡ кәрәкле мәғлүмәттәрҙе туплап, дәүләт мәғлүмәт системаларына граждандың «һанлы профиленә» инергә мөмкинлек бирә.

2023 йылға илдә граждандың «Һанлы профиле» системаһын булдырыу тураһында 17 сентябрҙә хөкүмәт тарафынан раҫланған «Һанлы иҡтисад» милли программаһы проектынан билдәле булды.

Һүҙ граждандың метапрофилен булдырыу хаҡында бара, был — кеше тураһында электрон дәүләт реестрҙарында юридик яҡтан әһәмиәтле яҙмаларға һылтанма рәүешендә һаҡланған мәғлүмәттәр (мәҫәлән, күсемһеҙ милек йәки һалымдар тураһында мәғлүмәттәргә). «Һанлы иҡтисад»тағы аккаунт, ведомстволар араһындағы мәғлүмәт алмашыуға ваҡытты ҡыҫҡартып, кеше тураһында бөтә юридик мәғлүмәтте берләштерергә мөмкинлек бирергә тейеш.

Өҫтәүенә хөкүмәт учреждениеларына граждандың системала уның профиле хаҡында мәғлүмәтте эшкәртеүгә ризалығы талап ителмәй. Шул уҡ ваҡытта мәғлүмәт талап ителгән коммерция ойошмалары бындай ризалыҡ алырға тейеш. Атап әйткәндә, һүҙ потенциаль займ алыусы тураһында мәғлүмәттәр йыйған банктар хаҡында барыуы мөмкин.

http://www.bashinform.ru/news/1221848-rossiyan-nachnut-perevodit-na-elektronnye-pasporta/

#электрон паспорт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.