Төбәктә киҫкен респиратор вирус инфекцияһы менән ауырыусыларҙың артыуы теркәлгән

ӨФӨ, 2018 йыл, 4 октябрь. /«Башинформ» мәғлүмәт агентлығы, Наталья Овчарук/. Башҡортостанда киҫкен респиратор вирус инфекцияһы миҙгеле асыҡ. Роспотребнадзорҙың Башҡортостан буйынса идаралығы белгестәре мәғлүмәттәре буйынса, республикала киҫкен респиратор инфекцияһы менән ауырыусыларҙың артыуы теркәлгән. Әлегә уның кимәле эпидемик сиктән түбән ҡала. Шул уҡ ваҡытта, киҙеү вирусын йоҡторған кешеләр төбәк биләмәһендә теркәлмәгән.

«Республикала грипҡа ҡаршы прививка кампанияһы бара. 28 сентябргә халыҡтың 15,6 проценты – 636 334 кеше, киҙеүгә ҡаршы прививка яһатҡан (2017 йылдың ошо уҡ осоронда халыҡтың 18,4 проценты прививка эшләткән). Уларҙан 490 мең кеше – өлкәндәр һәм 146,3 мең – балалар. Шул иҫәптән өҫтәмә аҡса иҫәбенә 2,4 мең кеше прививка яһатҡан», — тип асыҡлыҡ индерҙеләр төбәк Роспотребнадзор идаралығында.

http://www.bashinform.ru/news/1220003-v-bashkirii-zafiksirovan-rost-zabolevaemosti-orvi/