Понедельник, 25 Мая 2026

Уфа

+17 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

04:15 (UTC+5), 03 Октября 2018

Рөстәм Хәмитов Мәскәүҙә Ғаилә эшҡыуарҙары форумында сығыш яһаны

Башҡортостан Башлығының матбуғат хеҙмәте

«Башинформ» мәғлүмәт агентлығы

ӨФӨ, 2018 йыл, 3 октябрь. /«Башинформ» мәғлүмәт агентлығы/. 2 октябрҙә Мәскәүҙә Башҡортостан Башлығы Рөстәм Хәмитов «Уңышлы ғаилә – уңышлы Рәсәй!» ғаилә эшҡыуарлығы форумында сығыш яһаны һәм «Ғаилә-Бизнес-Дәүләт: уңышлы партнерлыҡ нигеҙҙәре» һүҙ көрәштереү майҙансығында ҡатнашты.

Рәсәй Сауҙа-сәнәғәт палатаһы ойошторған форум эшендә федераль һәм төбәк власть органдары етәкселәре, йәмәғәт ойошмалары, эшҡыуарлыҡ, эксперттар берләшмәһе, киң мәғлүмәт саралары вәкилдәре, шулай уҡ илдең бөтә төбәктәренән ғаиләләр ҡатнаша.

- Бөтә Рәсәйҙәге Ирекмән (волонтер) йылы менән бер рәттән беҙҙә Башҡортостанда Ғаилә йылы уҙа, - тине Рөстәм Хәмитов. - Ғаилә – ул йәмғиәтебеҙҙең нигеҙе. Ул дәүләтебеҙҙең нигеҙе. Ғаиләгә, ғаилә йолаларына ҡарата иғтибарлы, дөрөҫ, яҡшы мөнәсәбәтһеҙ бер нимәгә лә ирешеп булмай.

Республика Башлығы ҡатнашҡан Ғаилә-Бизнес-Дәүләт: уңышлы партнерлыҡ нигеҙҙәре» һүҙ көрәштереү майҙансығы ғаилә бизнесын үҫтереү, уға ғәҙел һалым һалыу мәсьәләләренә, ошо эшҡыуарлыҡ йүнәлешенең практик аспекттарына арналды.

Төбәк етәксеһе республикала ғаиләләргә күрһәтелгән ярҙам тураһында һөйләне.

- Был йәһәттән беҙ, бәлки, башлап юл ярыусы булып торабыҙҙыр. Башҡортостан Республикаһы Ғаилә, хеҙмәт һәм халыҡты социаль яҡлау министрлығы ойошторҙоҡ. Һәр муниципалитетта ошо биләмәлә ғаилә сәйәсәте идаралығы булдырҙыҡ, - тип һөйләне Башҡортостан Башлығы. - Әгәр башта имен булмаған ғаиләләрҙең мәсьәләләре менән генә шөғөлләнһәк, улар, ҡыҙғанысҡа ҡаршы, күп, хәҙер эшмәкәрлекте күбеһенсә ыңғай нигеҙҙә булдырабыҙ. Ул иһә эшҡыуарлыҡ, үҫеш менән шөғөлләнергә теләгән имен ғаиләләр менән эш.

Рөстәм Хәмитов һүҙҙәренсә, республикала ғаилә бизнесы төрҙәренең береһе булып умарталыҡтар тора. Шулай уҡ ғаилә эшҡыуарлығы миҫалы итеп, бер нисә ғаилә кооперативҡа берләшкән, кооперацияны иҫәпләргә мөмкин.

1 из 10

- Беҙ был йүнәлеште хуплайбыҙ. Дотациялар, финанслау, кредиттар менән ярҙам итеү мөмкинлеге бар. Башҡортостан – Рәсәй Федерацияһының уңышлы төбәге. Беҙҙә профицитлы бюджет. Ул аҡса буйынса минус менән түгел, ә плюс менән эшләгән күп булмаған төбәктәрҙең береһе. Беҙҙең бурыстар юҡ тиерлек һәм, әлбиттә, ярҙам итеү мөмкинлегебеҙ бар. Беҙ шулай итәбеҙ ҙә, - тип айырып әйтте республика Башлығы. - Беҙ ҙур юл башында. Килеп сыҡҡан тенденцияларҙы күрәбеҙ, эшләргә кәрәклеген аңлайбыҙ. Әлегә норматив документтар етмәй, шул иҫәптән ғаилә бизнесы буйынса. Беҙ юл башында. Әммә бергәләп, ошондай түңәрәк өҫтәлдәр, фекер алышыуҙар ярҙамында беҙ хәл итеү юлын мотлаҡ табырбыҙ.

http://www.bashinform.ru/news/1219435-rustem-khamitov-vystupil-na-forume-semeynykh-predprinimateley-v-moskve/

#башҡортостан башлығы #ғаилә сәйәсәте #эшҡыуарлыҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.