Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Болотло
Бөтә яңылыҡтар
Йәмғиәт
2 Октябрь 2018, 15:33

Баш ҡалала өлкәндәр бушлай медицина тикшереүе үтә һәм табиптар менән кәңәшләшә ала

Башҡортостан республикаһы Хеҙмәт министрлығы
Башҡортостан республикаһы Хеҙмәт министрлығы
ӨФӨ, 2018 йыл, 2 октябрь. /«Башинформ» мәғлүмәт агентлығы, Эльмира Сабирова/. Иртәгәнән Өфөләге ВДНХ-ла «50 ПЛЮС. Өлкән йәштең бөтә плюстары» һәм «Һаулыҡ һәм оҙон ғүмерлелек» күргәҙмәләре эшләй. Ошо саралар барышында тикшереүҙәрҙең ҡайһы бер төрҙәрен бушлай үтергә һәм табиптар (тар белгестәр) менән кәңәшләшергә мөмкин.
3 һәм 4 октябрҙә күсмә мобиль комплекста ЭКГ эшләтергә, ҡандағы холестерин, шәкәр кимәлен тикшертергә, флюорография үтергә була.
Бынан тыш, «Өлкән йәштәге пациенттар өсөн кардио-мәктәп», «Онкология сирҙәрен иҫкәртеү мәктәбе», «Һаулыҡ мәктәбе», «Сәләмәт туҡланыу мәктәбе», «Глаукоманы иҫкәртеү мәктәбе» дәрестәрен тыңларға мөмкин.
Шаршамбы, 3 октябрҙә, «Олатайым менән ғорурланам!» күргәҙмә-презентацияһы, «Мостай Кәримдең «Оҙон-оҙаҡ бала саҡ» китабын бергәләп уҡыйбыҙ» әҙәби видео-марафонының өсөнсө туры була.
Шул уҡ көндә көндөҙгө сәғәт 4-тә Башҡортостандың атҡаҙанған артисы, Рус драма театры актеры Тимур Ғарипов менән шиғри осрашыу уҙа.
4 октябргә өлкән йәштәге кешеләр өсөн һөнәрҙәр йәрминкәһе һәм «Көмөш Өфө-2018» конкурсы билдәләнгән.
Көн һайын комплекс сәхнәһендә концерттар, шулай уҡ төрлө оҫталыҡ дәрестәре ойоштороу, халыҡты социаль яҡлау, пенсия тәьминәте, хеҙмәт ҡануниәте мәсьәләләре буйынса консультациялар биреү ҡаралған.
Күргәҙмәләр 3-4 октябрҙә — иртәнге сәғәт 10-дан киске 6-ға, 5 октябрҙә иртәнге 10-дан сәғәт 4-кә тиклем эшләй.
http://www.bashinform.ru/news/1219075-v-ufe-na-vdnkh-pozhilye-besplatno-proydut-medobsledovaniya-i-poluchat-rekomendatsii-vrachey-/
Читайте нас: