Рөстәм Хәмитов Өфө дәүләт нефть техник университетында булды

Башҡортостан Башлығының матбуғат хеҙмәте

«Башинформ» мәғлүмәт агентлығы

ӨФӨ, 2018 йыл, 28 сентябрь. /«Башинформ» мәғлүмәт агентлығы/. 28 сентябрҙә Башҡортостан Башлығы Рөстәм Хәмитов эш сәфәре барышында Өфө дәүләт нефть техник университетында булды. Төбәк етәксеһе лабораторияларҙы һәм уҡытыу кластарын ҡараны, «Өфө дәүләт нефть техник университетының 70 йыллығына 70 объект» проектын ғәмәлгә ашырыу барышы менән танышты, юғарыу уҡыу йортоноң уҡытыусылары һәм студенттары менән осрашты.

Университет юбилейына вуздың матди-техник базаһын үҫтереү буйынса ҙур эш ойошторолған. Һүҙ лабораторияларҙы йыһазландырыу, лекция залдарын реконструкциялау, биналарҙы капиталь һәм сираттағы ремонтлау тураһында бара.

Башҡортостан Башлығы «юбилей» программаһы буйынса яңыртылған бер нисә лабораторияла булды. Уларҙың береһе – «Өфөоргсинтез» асыҡ акционерҙар йәмғиәте лабораторияһы. Ул Рәсәйҙә аналогы булмаған һәм «Өфөоргсинтез» етештереүе моделен әҙерләгән уникаль ҡулайламалар менән йыһазландырылған.

Юғары уҡыу йорто ғалимдары һәм аспиранттары Рөстәм Хәмитовҡа, шул иҫәптән, сит ил университеттары менән берлектә алып барылған ғилми асыштар хаҡында һөйләне. Республика етәксеһе студенттар һәм магистранттар менән аралашты, уларҙан уҡытыу процесын ойоштороу һәм карьера перспективалары тураһында һораны.

Өфө дәүләт нефть техник университетына сәфәре сиктәрендә Башҡортостан Башлығы тау-нефть факультеты нигеҙендәге «Роснефть» нефть компанияһы асыҡ акционерҙар йәмғиәте – Өфө дәүләт нефть техник университеты ғилми-мәғариф үҙәген ойоштороу проекты менән танышты. Нефть компанияһында эшләү өсөн белгестәр әҙерләү кимәлен күтәреү уның төп маҡсатына әйләнергә тейеш. Рөстәм Хәмитов вуз етәкселеге менән финанслау мәсьәләләрен һәм проектты тормошҡа ашырыу ваҡытын тикшерҙе.

Бынан тыш, Башҡортостан Башлығы Өфө дәүләт нефть техник университетын тамамлаусылар аллеяһын ҡараны. Юғары уҡыу йортоноң 70 йыллығына бында университет әҙерләгән белгестәр образдарын тыуҙырған дүрт бронза скульптураһы ҡуйылған. Композиция авторы, Өфөнән Илья Литвинов һүҙҙәренсә, скульптуралар һуғыштан һуңғы осорҙа йәшәгән һәм тармаҡҡа нигеҙ һалған нефтселәрҙе сағылдыра.

- Беҙҙең муниципалитеттар һәләтле йәштәр эҙләргә һәм уларҙы вуздарыбыҙға йүнәлтергә иҫәп тота. Сер түгел, йыш ҡына йәштәр мәктәпте тамамлағас Мәскәүгә, Санкт-Петербургка, башҡа ҡалаларға уҡырға китә. Беҙгә егеттәр һәм ҡыҙҙар бында уҡыһын һәм эшләргә ҡалһын өсөн республикала ныҡлы, ҡеүәтле юғары уҡыу йорттарына эйә булыу мөһим, - тип айырып әйтте Рөстәм Хәмитов.

Өфө дәүләт нефть техник университеты ректоры Рәмил Бәхтизин республиканың университетҡа күрһәткән ҙур ярҙамын билдәләне.

1 из 4

- Республика етәксеһе, Рөстәм Хәмитовтың шәхси ярҙамынан тыш, беҙҙең университет Рәсәйҙең һәм «Газпром»дың терәк юғары уҡыу йорто статусын алмаҫ ине. Хәҙер беҙ «Роснефть» компанияһы менән әүҙем эш алып барабыҙ – ул Башҡортостандың һәм «Роснефт»тең килешеүенә була тормошҡа ашырыла. Унда айырым юл менән компанияның университетыбыҙ менән үҙ-ара эшмәкәрлеге яҙылған.

http://www.bashinform.ru/news/1218170-rustem-khamitov-posetil-ufimskiy-gosudarstvennyy-neftyanoy-tekhnicheskiy-universitet/

#башҡортостан башлығы #өфө дәүләт нефть техник университеты #мәғариф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.