Башҡортостан һәм Өфө яңылыҡтары
92.51
-0.79
98.91
-0.65
87.98
+0.08
13+ °C
Болотло
Баш
Рус
Eng
Бөтә яңылыҡтар
Йәмғиәт
27 Сентябрь 2018, 11:15
Башҡортостан һәм Ҡытай ғалимдары ғилми хеҙмәттәшлекте дауам итә
БР Фәндәр академияһы
ӨФӨ, 2018 йыл, 27 сентябрь. /«Башинформ» мәғлүмәт агентлығы/. Башҡортостан һәм Ҡытай Халыҡ Республикаһы ғалимдары ғилми өлкәлә хеҙмәттәшлекте дауам итә. Ошо хаҡта һүҙ Ҡытай Халыҡ Республикаһының Цзянси провинцияһы Фәндәр академияһы делегацияһы эш сәфәре менән Башҡортостан Республикаһы Фәндәр академияһында булғанда барҙы. Делегацияны Академия президенты Сюн Шаоюань етәкләне, делегацияға Ғилми-техник стратегия, Ғәмәли физика, Энергия ресурстары институттары, Академияның структура бүлексәләре етәкселәре инде.
Осрашыу барышында Башҡортостан Фәндәр академияһы президенты Әлфис Ғаязов, Башҡортостан Фәндәр академияһы вице-президенты Рәйхана Ҡунаҡова, Башҡортостан Фәндәр академияһының химия технологиялары һәм яңы материалдар бүлеге секретары Владимир Докичев берләштерелгән ғилми-тикшеренеү эштәрен, ғилми эшмәкәрлектең уртаҡ йүнәлештәрен уҙғарыу һөҙөмтәлелеге мәсьәләләрен тикшерҙе. Башҡортостан Фәндәр академияһы һәм Ҡытай Халыҡ Республикаһының Цзянси провинцияһы араһында ғәмәлдәге Хеҙмәттәшлек тураһында килешеү сиктәрендә артабанғы хеҙмәттәшлек перспективалары өйрәнелде. Алдан ике Академия вәкилдәренең осрашыуы килешеү төҙөлгән йылды, 2014 йылда шулай уҡ Өфөлә уҙғарылды, тип хәбәр иттеләр Башҡортостан Фәндәр академияһында.
http://www.bashinform.ru/news/1216881-bashkirskie-i-kitayskie-uchenye-prodolzhat-nauchnoe-sotrudnichestvo/
Автор:
«Башинформ» мәғлүмәт агентлығы
Теги:
фән
башҡортостан фәндәр академияһы
халыҡ-ара хеҙмәттәшлек
Читайте нас: