Башҡортостан һәм Өфө яңылыҡтары
91.87
-0.17
99.45
-0.47
81.96
-0.19
-8 °C
Болотло
Бөтә яңылыҡтар
Йәмғиәт
24 Сентябрь 2018, 14:29

Яҡташыбыҙ Сергей Петров Владивостокта халыҡ-ара марафонда еңеү яуланы

vladivostokmarathon.ru
vladivostokmarathon.ru
ӨФӨ, 2018 йыл, 24 сентябрь. /«Башинформ» мәғлүмәт агентлығы, Розалиә Вәлиева/. Владивостокта өсөнсө халыҡ-ара марафон уҙҙы, унда 3,5 меңдән ашыу кеше ҡатнашты.
42,2 саҡрымлыҡ арауыҡта ир-егеттәр араһында Башҡортостандан Сергей Петров еңеүсе булды, уның һөҙөмтәһе – 2 сәғәт 24 минут 27 секунд. Икенсе урынды Владивостоктан Роман Исаев яуланы (2:35.32). Өсөнсөлә – Япониянан Сакамото Томонори (2:38.10).
Марафон дистанцияһын үткән һәр ҡатнашыусы финишта миҙал алды. Бүләк фонды — 1 миллион һум — билдәләнгән арауыҡтарҙа тәүге өс урынды алған ҡатнашыусылар араһында бүленде.
Ҡатын-ҡыҙҙар араһында Хабаровскиҙан Наталья Сергеева иң шәбе булды (2:40.49). Икенсе урын — Яҡутстан вәкиле Надежда Гоголевала, уның һөҙөмтәһе — 3 сәғәт 3 минут. Приморье крайынан Виктория Мячикова өсөнсө булып килде — 3:3.51.
2017 йылда марафон дистанцияһында Яңы Воронеждан Сергей Попов еңеү яулағайны (2 сәғәт 24 минут 20 секунд), уның артынса Владивосток спортсыһы Евгений Бушков килде (2:24.59), пьедесталдың өсөнсө баҫҡысына Өфөнән Андрей Сафронов күтәрелде (2:29.2).
Сергей Петровҡа 28 йәш. Ул Өфө районының Чесноковка ҡасабаһында йәшәй. Марафонда #Йүгереүсе айыу клубы исеменән сығыш яһаны.
http://www.bashinform.ru/news/1215256-zhitel-bashkirii-sergey-popov-pobedil-na-mezhdunarodnom-marafone-vo-vladivostoke/
Читайте нас в