Гидрометүҙәктә быйыл ҡыш рәсәйҙәрҙе ниндәй һауа торошо көтөүе хаҡында һөйләнеләр

Олег Яровиков

ӨФӨ, 2018 йыл, 21 сентябрь. /«Башинформ» мәғлүмәт агентлығы, Гөлфиә Акулова/. Рәсәй Гидрометүҙәге көҙгә һәм алдағы ҡышҡа яҡынса фараздар баҫтырып сығарҙы. Бындай фараздар 58-81% аҡлана, тип билдәләй белгестәр.

Дөйөм алғанда, һалҡын ярты йыллыҡтың алты айында илдең күпселек өлөшөндә температураның уртаса күп йыллыҡ күрһәткестәрҙән юғарыраҡ һәм нормаға ярашлы булыуы көтөлә. Төньяҡта ғына уртаса температураның бынан алдағы йылытыу осорона ҡарағанда түбәнерәк булыуы мөмкин.

Октябрҙә Волга буйы федераль округының күпселек өлөшөндә, шул иҫәптән Башҡортостанда температураның норманан юғарыраҡ булыуы фаразлана. Был айҙа 3,3 градус йылы республиканың баш ҡалаһы өсөн нормаль уртаса айлыҡ температура тип иҫәпләнә.

Ноябрҙә республика биләмәһендә уртаса айлыҡ һауа температураһының нормаға ярашлы булыуы күҙаллана (Өфөлә норма -4,2 градус).

Синоптиктар фаразы буйынса, декабрҙең уҙған йыл Волга буйы һәм Урал федераль округтарының төньяғына ҡарағанда һалҡыныраҡ булыуы көтөлә. Өфөлә декабрҙә уртаса айлыҡ температура -10,8 градус.

Ғинуарҙа Башҡортостанда температураның шулай уҡ норма сиктәрендә (-14,8 градус) булыуы фаразлана.

Февралдә республикала ҡыштың йомшаҡ тамамланыуы көтөлә. Температураның норманан артығыраҡ булыуы күҙалланмай. Баш ҡалабыҙҙа нормаль уртаса айлыҡ температура — 13,3 градус.

Яҙҙың тәүге айы Төньяҡ-Көнбайыш федераль округында, Үҙәк һәм Волга буйы федераль округтарының төньяғында йәшәүселәрҙе шатландырыр. Бынан алдағы мартҡа ҡарағанда йылыраҡ була. 2019 йылдың мартында Өфөлә уртаса айлыҡ һауа температураһы -6 градус тәшкил итер тип күҙаллана.

http://www.bashinform.ru/news/1214343-v-gidromettsentre-rasskazali-kakuyu-pogodu-zhdat-rossiyanam-predstoyashchey-zimoy/

#һауа торошо

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.