Башҡортостанда экотехнопаркта ҡалдыҡтарҙан пластик һәм альтернатив яғыулыҡ етештерәләр

«Башинформ» мәғлүмәт агентлығы

Гөлфиә Акулова

ӨФӨ, 2018 йыл, 17 сентябрь. /«Башинформ» мәғлүмәт агентлығы, Гөлфиә Акулова/. Башҡортостанда беренсе экотехнопаркта ҡалдыҡтарҙан пластик һәм альтернатив яғыулыҡ етештерәләр. Ҡаты коммуналь ҡалдыҡтарҙы тәрән эшкәртеү буйынса майҙансыҡ өсөнсө хеҙмәтләндереү зонаһы ҡалдыҡтарын эшкәртеү буйынса төбәк операторы – «Эко-Сити» компанияһы базаһында асыла. Ул Күмертау, Салауат, Стәрлетамаҡ ҡалалары һәм Ишембай, Стәрлебаш, Стәрлетамаҡ, Мәләүез, Күгәрсен, Көйөргәҙе, Миәкә, Әбйәлил, Ауырғазы, Баймаҡ, Белорет, Бөрйән, Ғафури, Ейәнсура, Йылайыр, Учалы, Федоровка, Хәйбулла райондары биләмәһен үҙ эсенә ала.

Экотехнопарк булдырыу тураһында килешеү Ишембай ҡалаһында Башҡортостан Премьер-министры урынбаҫары Илшат Фәзрахманов рәйеслегендә уҙған күсмә кәңәшмәлә төҙөлдө. Кластер биләмәһендә ҡалдыҡтар менән эш итеү өлкәһендә заманса проекттар уйлап табыу тураһында «ЭКО-Сити» төбәк операторы һәм Өфө дәүләт нефть техник университеты килеште.

Экотехнопарк фәнде һәм етештереүҙе берләштереүсе майҙансыҡҡа әйләнер тип күҙаллана. Уның биләмәһендә ҡалдыҡтар менән эш итеү өлкәһендә заманса проекттар тормошҡа ашырыла. Тулы технологик циклды: сүп-сарҙы эшкәртеүҙе, утилләштереүҙе һәм зарарһыҙландырыуҙы тәьмин итәсәк объекттар барлыҡҡа килә.

Атап әйткәндә, Ишембайҙа сортлау заводы базаһында ҡалдыҡтарҙы тәрән эшкәртеү ойошторола. Шул иҫәптән, органик ҡалдыҡтарҙан (аҙыҡ-түлек һәм үҫемлек сүп-сары) серетмә етештереләсәк. Уны үҙ ваҡытын эшләгән полигондарҙы тергеҙеү өсөн файҙаланыу күҙаллана. Ҡалған ҡалдыҡтарҙан RDF-яғыулыҡ етештерергә мөмкин була. Бының өсөн компания әле махсус завод төҙөү мәсьәләһен хәл итә. Шулай уҡ «ЭКО-Сити» компаниялар төркөмө Башҡортостанда беренсе булып пластик етештерә башлай.

«Беҙ проектҡа ҙур өмөт бағлайбыҙ. Беҙҙең экотехнопаркка асыштары һәм технологиялары менән ғалимдар киләсәк. Шуныһы айырыуса мөһим, улар араһында йәш ғалимдар ҙа буласаҡ, - тине «ЭКО-Сити» төбәк операторы генераль директоры Семен Земсков. - Беҙҙең бурыс – төбәктә ҡалдыҡтар менән эш итеү тармағын бөтөнләй яңы кимәлгә сығарыу. Алдынғы тәжрибәләрҙе ҡулланыу ҡалдыҡтарҙы күмеүҙе кәметергә, тимәк, тирә-яҡ мөхитте һаҡларға мөмкинлек бирәсәк».

Башҡортостандың тәбиғәттән файҙаланыу һәм экология министры урынбаҫары Наталья Логунова һүҙҙәренсә, бөгөн урындағы сортлау линияларында алынған икенсе матди ресурстарҙың бер өлөшө төбәктән ситкә – Свердловск һәм Силәбе өлкәләренә, Удмуртияға һәм Татарстанға эшкәртеүгә китә. Республика биләмәһендә үҙ заводтарыбыҙҙы төҙөү – ул кәрәклек.

3-се эшмәкәрлек зонаһында бөгөнгә сүп-сар ташыу буйынса 27 транспорт компанияһы эшләй. 2014 йылдан компания ҡаты коммуналь ҡалдыҡтарҙы эшкәртеү һәм күмеү буйынса завод һәм уларҙы ҡайтанан эшкәртеү һәм күмеү буйынса комплекс эшләтеп ебәрҙе. Ул йылына 200 мең тонна ҡалдыҡ эшкәртергә мөмкинлек бирә.

http://www.bashinform.ru/news/1211912-v-bashkirii-v-ekotekhnoparke-iz-otkhodov-budut-proizvodit-plastik-i-alternativnoe-toplivo/

#экология #ҡаты коммуналь ҡалдыҡтар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.