«Апимондия» конгресы республиканың умартасылыҡ үҙәге булараҡ статусын нығытасаҡ – Рөстәм Хәмитов

Башҡортостан Башлығының матбуғат хеҙмәте

«Башинформ» мәғлүмәт агентлығы

ӨФӨ, 2018 йыл, 17 сентябрь. /«Башинформ» мәғлүмәт агентлығы/. Уҙған көндәрҙә республика Йортонда Башҡортостан Башлығы Рөстәм Хәмитов 2021 йылда умартасылыҡ буйынса XLVII «Апимондия» халыҡ-ара конгресына әҙерлек һәм уны уҙғарыу мәсьәләләре буйынса кәңәшмә үткәрҙе. Унда Рәсәй умартасылар милли союзы президенты Арнольд Бутов, Башҡортостан Хөкүмәте ағзалары, профилле ғилми ойошмалар етәкселәре ҡатнашты.

- Бер нисә йыл, 2015 йылдан, беҙ һеҙҙең менән был ҙур донъя форумын уҙғарыу хоҡуғы өсөн көрәштек. Еңеү яуланыҡ. Һис шикһеҙ, был республика өсөн бик мөһим уңыш, уны халыҡ-ара кимәлдә танытыу өсөн мөһим аҙым, - тине Рөстәм Хәмитов. - Хәҙер конгресты шулай уҡ ойошҡанлы рәүештә һәм лайыҡлы итеп уҙғарыуға әҙерләнергә кәрәк. Өс йылдан донъяның умартасылыҡ берләшмәһе вәкилдәре – беҙҙең күҙаллауҙар буйынса, бөтәһе 10 мең самаһы ҡатнашыусы килә. Беҙҙең бурыс – конгресты иң юғары кимәлдә үткәреү, тулы күләмдә илдең, республиканың мөмкинлеге, йолалары, компетенциялары менән таныштырыу һәм тотош Башҡортостандың алдынғы умартасылыҡ үҙәктәренең береһе булараҡ статусын нығытыу.

Рәсәй Федерацияһы Хөкүмәте йөкләмәһе буйынса Рәсәйҙең Ауыл хужалығы министрлығы был мөһим ваҡиғаға әҙерләнеү буйынса федераль ойоштороу комитетын һәм тейешле саралар планын әҙерләй, типп хәбәр итте республика Башлығы.

- Беҙҙә ошондай сараны уҙғарыу – республика өсөн генә түгел, Рәсәй өсөн дә тарихи ваҡиға ул. Илебеҙ был форумды бер генә тапҡыр, 1971 йылда, Мәскәүҙә ҡабул итте. Ярты быуат үткәс тиерлек был форум беҙҙең Башҡортостан Республикаһында була, - тип билдәләне Рөстәм Хәмитов. - Илебеҙ, республикабыҙ өсөн юғары хөрмәт күрһәтелеүен аңларға кәрәк. Ул шулай уҡ үҙен яратҡан эшенә бағышлаған илдең һәм Башҡортостандың күп быуын умартасыларына хөрмәт һәм рәхмәт күрһәтеү ҙә.

Кәңәшмәлә республикала умартасылыҡты үҫтереү, башҡорт балын һәм тотош төбәкте халыҡ-ара кимәлдә танытыу буйынса саралар, Өфө конгресын уҙғарыуға әҙерлек барышы тикшерелде.

Фекер алышыуға йомғаҡ яһап, Башҡортостан Башлығы күтәрелгән бер төркөм һорауҙар айырым кәңәшмә темалары буласағын билдәләне.

- Конгресты юғары кимәлдә уҙғарыуыбыҙға шик юҡ. Беҙ был эште атҡара алабыҙ, - тип һыҙыҡ өҫтөнә алды Рөстәм Хәмитов.

http://www.bashinform.ru/news/1211428-kongress-apimondii-zakrepit-status-respubliki-kak-tsentra-pchelovodstva-rustem-khamitov/

#башҡортостан башлығы #конгрестар #умартасылыҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.