Өфөлә көҙгө дөйөм ҡала өмәһе көнө билдәле булды

ӨФӨ, 2018 йыл, 11 сентябрь. /«Башинформ» мәғлүмәт агентлығы,Эльвира Латипова/. Өфөлә 29 сентябрҙә дөйөм ҡала өмәһе була. Был турала хакимиәттең оператив кәңәшмәһендә иғлан иттеләр. Өфөләрҙе унда әүҙем ҡатнашырға саҡыралар.

Шәмбе өмәһе Өфөлә санитар таҙартыу, төҙөкләндереү һәм йәшелләндереү айлығының төп сараһы буласаҡ. Биләмәләрҙе таҙартыу буйынса оҙаҡ ваҡытлы кампания 17 сентябрҙән 21 октябргә тиклем дауам итә. Ошо ваҡыт эсендә ҡаланың коммуналь хеҙмәттәре һәм битараф булмаған өфөләр йәй эсендә йыйылған сүп-сарҙы йыясаҡ һәм йәшел үҫентеләр, тәү сиратта, күп йыллыҡ сәскәләр һәм эре ағастар ултыртасаҡ. Өфөнө үҫемлектәр менән «Горзеленхоз» идаралығы питомнигы тәьмин итә.

http://www.bashinform.ru/news/1209175-v-ufe-opredelilis-s-datoy-osennego-obshchegorodskogo-subbotnika/