Төбәктә бер аҙнала 216 кешегә талпан ҡаҙалған

ӨФӨ, 2018 йыл, 31 август. /«Башинформ» мәғлүмәт агентлығы, Ольга Мортазина/. Башҡортостанда талпандарҙың әүҙемлеге дауам итә. Һуңғы аҙнала 216 кеше талпан ҡаҙалып мөрәжәғәт иткән, тип хәбәр иттеләр Башҡортостан буйынса Роспотребнадзорҙа. Май айында белгестәргә аҙнаһына 1000-дән ашыу кеше килгән. Быйыл зарарланған талпандарҙың өлөшө тикшерелгән бөжәктәрҙән 1,5% самаһы тәшкил итә, зарарланыу осрағы теркәлмәгән (2017-лә 22 осраҡ булғайны).

Башҡортостандың Гигиена һәм эпидемиология үҙәге филиалдарында тикшереүҙең хаҡы: талпан энцефалиты вирусына — 295 һум, боррелиозға — 420, ике инфекцияға — 715. Энцефалитлы иммуноглобулин дозаһы — 650 һум самаһы, боррелиозды антибиотиктар менән дауалайҙар.

Талпандарҙан һаҡланыуҙың иң яҡшы ысулы — вакцина, ләкин боррелиозға ҡаршы вакцина юҡ. Бөжәктәр тешләмәһен өсөн аэрозоль препараттар һиптерелгән ябыҡ кейем кейергә кәрәк.

http://www.bashinform.ru/news/1203879-v-bashkirii-za-nedelyu-kleshchi-pokusali-216-chelovek/