Башҡортостандың 100 йыллығы дөйөм байрамыбыҙ булырға тейеш – Рөстәм Хәмитов

Башҡортостан Башлығының матбуғат хеҙмәте

IMPORT Сервисный

ӨФӨ, 2018 йыл, 17 август. /«Башинформ» мәғлүмәт агентлығы/. Башҡортостан Республикаһы ойошторолоуҙың 100 йыллығы – Рәсәй федерализмы тарихында әһәмиәтле дата, ул төбәктә йәшәүселәрҙең барыһы өсөн дә дөйөм байрам булырға тейеш. Башҡортостан Башлығы Рөстәм Хәмитов юбилейға әҙерлек һәм уны байрам итеү буйынса республика ойоштороу комитеты ултырышында ошо турала белдерҙе.

– Республикабыҙ өсөн бар яҡлап та мөһим юбилей йылы яҡынлаша. Байтаҡ әһәмиәтле күләмле саралар планлаштырылған. Йыл ярым-ике йыл элек башлаған ҙур эшебеҙҙе тамамлауҙың яуаплы этабы башлана, – тип билдәләне төбәк етәксеһе.

2019 йыл ваҡиғаларға бай була, тип һыҙыҡ өҫтөнә алды республика башлығы. Башҡортостан халыҡ шағиры Мостай Кәримдең 100 йыллығын, Башҡорт драма театрының, республика архив хеҙмәтенең 100 йыллығын билдәләй. Өфөлә Йәйге Халыҡ-ара балалар уйындары уҙғарыла. 2020 йылғы Бөтә донъя фольклориадаһына һәм 2021 йылғы «Апимондия» умартасылыҡ конгресына әҙерлек дауам итә.

– Әммә 2019 йылдың мөһим ваҡиғаһы – республиканың юбилейы. Ул Башҡортостандан ситтә лә Рәсәй федерализмы тарихында әһәмиәтле дата булараҡ билдәләнгән дөйөм байрамыбыҙ булырға тейеш, – тине Рөстәм Хәмитов. – Юбилей ҡеүәтле идеологик йүнәлешле, һәм уны тулыһынса файҙаланырға кәрәк, байрамды художество үҙешмәкәрлек концерттарына ҡайтарып ҡалдырырға ярамай, әммә был да эштең мөһим өлөшө. Граждандарҙы юбилейҙың идеологик, тарихи киңлегенә йәлеп итергә кәрәк. Ғалимдар, интеллигенция, йәмәғәтселек тарихыбыҙҙы объектив яҡтыртыу һәм йәштәрҙе тәрбиәләү өсөн мөһим әһәмиәткә эйә булған мәсьәләләрҙе тикшереүҙә әүҙем ҡатнашырға тейеш. Республиканың уҙған быуаттағы ҡаҙаныштарына иғтибарҙы йүнәлтеү зарур, был – күп милләтле төбәгебеҙҙә йәшәүселәрҙең ныҡышмалы хеҙмәт һөҙөмтәһе ул.

Төбәк етәксеһе республика ойошторолоуға 100 йыл тулыуҙың рәсми датаһы 2019 йылдың 23 марты булыуын иҫкә төшөрҙө. Шунан сығып, төп тантаналы сараларҙы уҙғарыуҙы планлаштырырға кәрәк.

– Юбилей йылы бай булырға, бөтә йүнәлештәрҙе – республикабыҙҙа, Мәскәүҙә, башҡа төбәктәрҙә презентацияларҙы, күргәҙмәләрҙе, ғилми-ғәмәли конференцияларҙы үҙ эсенә алырға тейеш. Тәҡдимдәр күп, сараларҙың лайыҡлы кимәленә, йөкмәткеһенә иғтибарлыраҡ булырға кәрәк, – тип билдәләне Рөстәм Хәмитов. – Был мәсьәләләрҙә артыҡ тырышырға ярамағанлығы аңлашыла. Юбилей тантаналарын, сараларын уҙғарыу, шул иҫәптән финанслау йәһәтенән айыҡ аҡыл булырға тейеш. Барыһы ла лайыҡлы булырға тейеш. Республика, элеккесә әйткәнсә, Рәсәй Федерацияһы автономиялары араһында тәүгеләрҙән булып үҙенең 100 йыллығын билдәләй. Был яуаплылыҡты көсәйтә.

http://www.bashinform.ru/news/1198394-100-letie-bashkortostana-dolzhno-stat-nashim-obshchim-prazdnikom-rustem-khamitov/

#башҡортостан башлығы #республиканың 100 йыллығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.