Башҡортостанда республика Башлығы стипендияһының күләмен арттыралар

ӨФӨ, 2018 йыл, 13 август. /«Башинформ» мәғлүмәт агентлығы/. Рөстәм Хәмитов Башҡортостан Хөкүмәтенә республика Башлығы стипендияһының күләмен арттырырға ҡушты. Был хаҡта төбәк етәксеһе мәғариф буйынса республика август кәңәшмәһенең пленар ултырышында хәбәр итте. Шулай итеп, республика Башлығы стипендияһы колледжда уҡыусыларға – 2 300 һумға тиклем, юғары уҡыу йорттары студенттарына – 5 750 һумға ҡәҙәр, аспиранттарға 7 000 һумға тиклем арттырыла.

– Буласаҡ һөнәргә етди һәм яуаплы мөнәсәбәт дәртләндереүгә лайыҡ, – тине Рөстәм Хәмитов. – Был бер нисә тапҡырға арттырыу. Кемдәр яҡшы уҡый, шулар һәйбәт, лайыҡлы стипендия алыр тип ышанғым килә. Беҙ артабан да һәләтле йәштәрҙе яҡларбыҙ, шул иҫәптән матди яҡтан дәртләндерербеҙ. Әлбиттә, артабан да стипендиялар күләме артыр.

http://www.bashinform.ru/news/1196400-v-bashkortostane-povysyat-razmery-stipendiy-glavy-respubliki/