Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
7 Август 2018, 09:09

Плюс-сайз ҡатын-ҡыҙҙар өсөн Өфө проекты халыҡ-ара кимәлгә сыҡты

ӨФӨ, 2018 йыл, 7 август. /«Башинформ» мәғлүмәт агентлығы, Ләйлә Аралбаева/. Плюс-сайз ҡатын-ҡыҙҙар өсөн Өфө проекты халыҡ-ара кимәлгә сыҡты. Фотоға төшөү Мәскәүҙә уҙҙы. Унда 42-58-се үлсәмле кейем кейгән 22-73 йәшлек ҡатын-ҡыҙҙар ҡатнашты.
«Стереотиптарҙы бөтөрөүҙе дауам итәбеҙ. Тәүге тапҡыр эксперимент уҙғарып ҡарарға булдым һәм Рәсәйҙең баш ҡалаһында ҡыҙыл һыҙатта фотоға төшөү ойошторҙом, — тип һөйләне проект етәксеһе Эльвира Ишморатова. — Эйе, ниндәйҙер экстрим булды, хатта тәжрибәле моделдәр ҙә һәр саҡ үҙҙәрен ҡулға ала алмай. Минекеләр ҙә тулҡынланды, ләкин троллейбустар һәм лексустар сигнал биреп үтә башлағас, йөҙҙәренән йылмайыу китмәне һәм барыһы ла шыма үтте!».
Проектты халыҡ-ара команда әҙерләне: Минскиҙан фотограф Евгений Гойло, дизайнер Наталья Гайдаржи Белоруссияла һәм Рәсәйҙә эшләй, визажист-стилист Нурижат Османова Дағстандан. Моделдәр араһында Рәсәй һәм Әрмәнстан вәкилдәре бар ине.
Ойоштороусы булып fashion-модель, Stikhia студияһы етәксеһе, халыҡ-ара матурлыҡ конкурстары еңеүсеһе, Moscow Fashion Week, Estet FashionWeek, Belarus Fashion Week бәйгеләрендә ҡатнашҡан Эльвира Ишморатова сығыш яһаны.
«Урам модаһы (street fashion) – кейемдә ҡиммәтле брендтарға һәм бөгөн бик популяр булған гламур идеологияһына ҡаршы торған йүнәлеш ул. Моделдәрем кейемдәрен оҫта һайланы, урам модаһының һәм тәбиғи матурлыҡтың өҫтөнлөктәрен билдәләне, фотоға төшөү нескәлектәренә төшөндө. Ҡыҙҙарҙың һәм медиа вәкилдәренең ошондай социаль, мәҙәни, модалы проекттар булдырыуыбыҙ һәм тренд биреүҙе дауам итеүебеҙ хаҡындағы фекерҙәрен уҡып шатланам», — тип билдәләне Эльвира Ишморатова.
ttp://www.bashinform.ru/news/1194293-ufimskiy-proekt-dlya-zhenshchin-plyus-sayz-vyshel-na-mezhdunarodnyy-uroven/
Читайте нас: