Тирлән ауылында яңы физкультура-сәләмәтләндереү комплексы асыла

ӨФӨ, 2018 йыл, 31 июль. /«Башинформ» мәғлүмәт агентлығы, Әлим Фәйезов/. Белорет районының Тирлән ауылында Граждандар һәм Бөйөк Ватан һуғышы йылдарында һәләк булған батыр-тирләндәргә ҡуйылған һәйкәлде яңырттылар. Уның эргә-тирәһен тәртипкә килтерҙеләр. Күренекле яҡташтарҙың – Бөйөк Ватан һуғышы һалдаттарының портреттары менән өҫтәмә яңы постамент эшләнеләр. Тирлән ауылы дүрт Советтар Союзы Геройының һәм бер тулы Дан ордены кавалерының тыуған төйәге булыуы менән данлыҡлы. Һәйкәл эргәһенә газон үләне сәстеләр, фонарҙар ҡуйҙылар. Улар кискеһен төрлө төҫтәр менән яҡтыртып тора.

Быйыл «Ҡала мөхите» программаһы буйынса Тирлән ауылында ауыл паркын төҙөкләндереү: иҫке кәртәне алмаштырыу, юлдарға асфальт түшәү, яңы эскәмйәләр һәм сүп йәшниктәре ҡуйыу күҙалланған. Яңыртылған парк көҙ башында асыла.

Ауыл халҡы өсөн иң көтөп алынған ваҡиға сентябрь аҙағында була – был ваҡытҡа Тирлән ауылында яңы физкультура-сәлмәтләндереү комплексын асыу билдәләнгән, тип хәбәр иттеләр муниципалитеттың матбуғат хеҙмәтендә.

http://www.bashinform.ru/news/1191319-v-bashkirskom-sele-tirlyanskiy-otkroetsya-novyy-fizkulturno-ozdorovitelnyy-kompleks/