Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Йәмғиәт
30 Июль 2018, 09:00

Рөстәм Хәмитов Өфө юридик институтын тамамлаусыларҙы ҡотланы

Башҡортостан Башлығының матбуғат хеҙмәте
Башҡортостан Башлығының матбуғат хеҙмәте
ӨФӨ, 2018 йыл, 30 июль. /«Башинформ» мәғлүмәт агентлығы/. 28 июлдә Башҡортостан Башлығы Рөстәм Хәмитов Рәсәй Эске эштәр министрлығының Өфө юридик институтында эске эштәр органдары өсөн сираттағы белгестәр сығарылышына арналған тантанала ҡатнашты. Сара «Өфө-Арена» универсаль спорт аренаһы алдындағы майҙанда үтте.
Төбәк етәксеһе һуңғы курста уҡыусыларҙы институтты тамамлауҙары менән ҡотланы һәм уларға артабанғы хеҙмәттәрендә уңыштар теләне. Рөстәм Хәмитов ысын илһөйәрҙәр тәрбиәләгән ата-әсәләргә айырым рәхмәт әйтте. Республика Башлығы ҡулынан «ҡыҙыл» дипломдарҙы биш полиция лейтенанты: Анна Дмитриева, Валентин Константинов, Айгөл Муллағәлиеваа, Алёна Никитина, Әлиә Шәрифуллина алды.
Быйыл Рәсәй Эске эштәр министрлығының Өфө юридик институты һигеҙ төбәк өсөн бөтәһе 158 белгес сығарҙы. 109 тамамлаусы Башҡортостан Республикаһы буйынса Эске эштәр министрлығы бүлексәләрендә хеҙмәтен дауам итәсәк.
- Нәҡ компетентлы кадрҙар ярҙамында полиция бөгөн йәмғиәттә абруйын нығыта, эш һөҙөмтәлелеген арттыра, - тине Башҡортостан Башлығы. - Һеҙҙә, хөрмәтле дуҫтар, - мин, тәү сиратта, тамамлаусыларға мөрәжәғәт итәм, - кешеләр үҙҙәре һәм яҡындары өсөн борсолмаһын, дәүләт һәр саҡ уларҙы төрлө енәйәттәрҙән яҡлаясағына ышанһын өсөн йәмәғәт тәртибен һаҡлау, енәйәт менән уңышлы көрәшеү өсөн юғары яуаплылыҡ ята.
http://www.bashinform.ru/news/1190783-rustem-khamitov-pozdravil-vypusknikov-ufimskogo-yuridicheskogo-instituta/
Автор:«Башинформ» мәғлүмәт агентлығы
Читайте нас в