Ҡыйғы районында иҫке мәктәпте ремонтлайҙар

ӨФӨ, 2018 йыл, 27 июль. /«Башинформ» мәғлүмәт агентлығы/. Ҡыйғы районының Дүшәнбикә ауылы мәктәбендә ремонт башланды. Уға 430 мең һум күләмендә аҡса «Реаль эштәр» партия проекттары сиктәрендә бүленгән, тип хәбәр иттеләр Берҙәм Рәсәй бөтә Рәсәй сәйәси партияһының Башҡортостан төбәк бүлексәһе матбуғат хеҙмәтендә. Мәктәп 1968 йылда төҙөлгән, бинала иҙәндәр тулыһынса туҙған, ашығыс рәүештә иҙән таҡталарын алмаштырыу талап ителгән. Әле бригада эшкә тотонған, уҡыу йылы башына балалар хәүефһеҙ бүлмәләргә киләсәк. Дүшәнбикә ауылы мәктәбендә өс ауылдан 1-9 кластарҙа 80-гә яҡын бала белем ала.

http://www.bashinform.ru/news/1190340-v-kiginskom-rayone-bashkirii-remontiruyut-staruyu-shkolu/