Мәләүез районында ауыл мәҙәниәт йортон ремонтлайҙар

ӨФӨ, 2018 йыл, 26 июль. /«Башинформ» мәғлүмәт агентлығы/. Мәләүез районының Дарьино ауылында «Реаль эштәр» партия проекты сиктәрендә мәҙәниәт йортон ремонтлайҙар. Бинаның алғы яғын яңыртыу буйынса эштәр 1 июлдә башланған, ауыл мәҙәниәт йортон 10 августа асыу күҙаллана. Учреждениела заманса техник тәьминәт барлыҡҡа киләсәк. Быйыл районда ауыл мәҙәниәт йорттарын йүнәтеүгә республиканан һәм муниципаль бюджеттан 1,3 миллион һум бүленгән, тип хәбәр иттеләр «Берҙәм Рәсәй»ҙең матбуғат хеҙмәтендә.

«Мәҙәниәт йорто – йәштәрҙе йәлеп итеү үҙәге, ветерандар өсөн ял саралары уҙғарыу урыны. Бында балалар өсөн секциялар, китапхана һәм музей эшләй. Бынан тыш, проект сиктәрендә ауыл биләмәһендә 150-нән ашыу урам фонары ҡуйылған», – тип һөйләне Башҡортостан Дәүләт Йыйылышы депутаты һәм төбәк координаторы Таһир Ғизәтуллин.

http://www.bashinform.ru/news/1189939-v-bashkirii-v-meleuzovskom-rayone-remontiruyut-sdk/