Рөстәм Хәмитов һәләтле балаларға ярҙам итеү буйынса кәңәшмә үткәрҙе

Олег Яровиков

«Башинформ» мәғлүмәт агентлығы

ӨФӨ, 2018 йыл, 11 июль. /«Башинформ» мәғлүмәт агентлығы /. Кисә Республика Йортонда Башҡортостан Башлығы Рөстәм Хәмитов һәләтле балаларға булышлыҡ итеү мәсьәләләре буйынса кәңәшмә үткәрҙе. Унда Башҡортостан Хөкүмәте ағзалары, юғары уҡыу йорттары етәкселәре, төбәктең белем биреү учреждениелары вәкилдәре ҡатнашты.

- Минең ҡарашҡа, бөтә балалар талантлы, һәләтһеҙ балалар юҡ. Әммә шул уҡ ваҡытта балаларҙың төрлө һәләттәре барлығын беләбеҙ һәм был йәһәттән белем биреүгә, ошо ҡатмарлы уҡытыу эшен ойоштороуға төрлө яҡтан килергә кәрәк, – тине төбәк етәксеһе. – Бер яҡтан, беҙҙә һәләтле балалар менән эш төрлө йүнәлештәр буйынса алып барыла. Әммә шул уҡ ваҡытта ҡайһы бер юҫыҡта икенселәй эшмәкәрлек төҙөү кәрәклеген аңлайбыҙ. Был ведомство-ара эшмәкәрлеккә ҡағыла. Беҙҙә был өлкәлә министрлыҡтар, муниципалитеттар, юғары уҡыу йорттары, йәмәғәт ойошмалары эшләй. Әммә улар араһында был өлкәлә бер ниндәй әүҙем бәйләнеш юҡ. Әлегә бөтәһе лә бик тарҡау.

Республика Башлығы Башҡортостанда олимпиада хәрәкәтенә, автор мәктәптәренә ярҙам итеү, талантлы сығарылыш уҡыусыларын асыҡлау, оҙатыу һәм беркетеү системаһын үҫтереү мөһимлеген билдәләне.

- Беҙгә талантлы, һәләтле, иң булдыҡлы балаларҙың бер ҡайҙа сығып китмәйенсә, бында, республикабыҙҙа эшләүе кәрәк. Һәләтле балаларҙың уҡырға тип башҡа ҡалаларға китеү процесы – бәлки, билдәле бер йүнәлештә ғәҙелдер. Ләкин беҙгә был егеттәрҙе һәм ҡыҙҙарҙы кире ҡайтара белергә, улар өсөн шарттар, яңы эш урындары булдырырға кәрәк, – тип билдәләне Рөстәм Хәмитов. – Йәнә бер ҡат ҡабатлап әйтәм, беҙ һәләтле йәштәр өсөн ниндәйҙер айырым, йылытмалы шарттар булдырырға түгел, ә бөтә балалар менән эшләргә, һәр мәктәптә һәләте булған бала үҙен тормошҡа ашыра алһын өсөн мөмкинлектәр булдырырға тейеш.

Башҡортостандың мәғариф министры Гөлназ Шафиҡова әле республикала Һәләтле (талантлы) балаларҙы һәм йәштәрҙе үҫтереү концепцияһы әҙерләнеүен һөйләне. Хәҙер ул төбәк Финанс министрлығында килешеү үтә. Атап әйткәндә, документ йәш таланттарға булышлыҡ итеү системаһын булдырыуҙы, уҡытыусыларҙың квалификацияһын арттырыуҙы, шулай уҡ республиканың юғары уҡыу йорттары менән тығыҙыраҡ үҙ-ара эш алып барыуҙы күҙ уңында тота. Республикала талантлы балаларҙы һәм йәштәрҙе беркетеү, шулай уҡ башҡа төбәктәрҙән сығарылыш уҡыусыларын йәлеп итеү өсөн мауыҡтырғыс шарттар булдырыу концепция сиктәрендәге бурыстарҙың береһе булып тора.

Рөстәм Хәмитов һүҙҙәренсә, республикаға олимпиадаларҙа ҡатнашыусылар иҫәбе артынан ҡыуырға кәрәкмәй.

- Беҙгә яңы һөҙөмтәләр алырға, шул иҫәптән башҡа төбәктәрҙән егеттәрҙе һәм ҡыҙҙарҙы йәлеп итергә мөмкинлек биргән яңы уҡытыу киңлеге булдырырға кәрәк, – тине Башҡортостан Башлығы.

1 из 7

http://www.bashinform.ru/news/1184976-rustem-khamitov-provyel-soveshchanie-po-podderzhke-odarennykh-detey/

#башҡортостан башлығы #мәғариф #һәләтле балалар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.