Башҡортостан һәм Өфө яңылыҡтары
69.59
+0.26
75.78
+0.37
84.68
+0.18
-8 °C
Болотло
Бөтә яңылыҡтар
Йәмғиәт
10 Июль 2018, 12:00

Өфөлә Ҡөрьән уҡыусылар конкурсында 150 бала ҡатнашты

«Вся Уфа» телеканалы видеоһынан стоп-кадр
«Вся Уфа» телеканалы видеоһынан стоп-кадр
ӨФӨ, 2018 йыл, 10 июль. /«Башинформ» мәғлүмәт агентлығы, Ксения Калинина/. Өфөлә «Ихлас» мәсетендә Ҡөрьән уҡыусылар конкурсы үтте. Сара Башҡортостандың Ислам бизнесы ассоциацияһы башланғысы буйынса ойошторолдо. «Вся Уфа» телеканалы быйыл конкурс 150 баланы йыйҙы тип хәбәр итә. Унда өфөләр, республикала йәшәүселәр, шулай уҡ Одессанан, Тажикстандан һәм Үзбәкстандан ҡунаҡтар ҡатнашты.
Ҡөрьәнде иртә йәштән өйрәнә башларға кәрәк тип иҫәпләнә. Балаларға мосолмандарҙың изге китабын уҡырға өйрәнер өсөн бер йыл етә. Ә бына 30 йәштән һуң уны эшләү ауырыраҡ. Конкурс Ырымбур мосолмандары диниә йыйылышы ойошторолоуҙың 230 йыллығына һәм күренекле башҡорт дин һәм йәмәғәт эшмәкәре Зәйнулла Рәсүлевтың тыуыуына 185 йыл тулыуға арналды. Байрамға бик күп ҡунаҡтар килде, улар араһында күренекле ислам бизнесы вәкиле һәм Алина Кабаеваның атаһы Марат Кабаев.
«Туғандарым күбеһенсә Дүртөйлө районында. Өфөлә дуҫтарым, ағайҙарым, апайҙарым йәшәй. Дин тотоусы кешеләр күҙгә күренеп артты, был ҡыуандыра. Ышаныс, ул күп нәмә бирә: ул – тәрбиә, хөрмәт, ололарҙы ихтирам итеү», — тине Халыҡ-ара ислам бизнесы ассоциацияһы етәксеһе, Рәсәйҙең Мосолман эшҡыуарҙары ассоциацияһы президенты Марат Кабаев.
http://www.bashinform.ru/news/1184583-v-ufe-v-konkurse-chtetsov-korana-prinyali-uchastie-150-detey/
Автор:Ксения Калинина
Читайте нас в