Республикала яңы награда – «Башҡорт халыҡ геройы» миҙалы барлыҡҡа киләсәк

Ғәлиә Нәбиева

ӨФӨ, 2018 йыл, 9 июль. /«Башинформ» мәғлүмәт агентлығы, Ғәлиә Нәбиева/. Башҡортостанда яңы награда – «Башҡорт халыҡ геройы» миҙалы барлыҡҡа киләсәк. Бөтә донъя башҡорттары ҡоролтайы награданың иң яҡшы эскизын уйлап сығарыуға асыҡ конкурста ҡатнашырға саҡыра. Йәмәғәт наградаһын ойоштороу тураһында ҡарар 28 июндә Бөтә донъя башҡорттары ҡоролтайы Башҡарма комитеты ултырышында ҡабул ителде.

«Башҡорт халыҡ геройы» тигән маҡтаулы исем Ҡоролтайҙың граждандарҙы башҡорт халҡы алдында айырым ҙур ҡаҙаныштары, дәүләт һәм йәмәғәт эшмәкәрлегендәге айырым ҡаҙаныштары, халыҡтар араһында татыулыҡты, дуҫлыҡты һәм хеҙмәттәшлекте нығытыуҙағы ҡаҙаныштары, башҡорт халҡын яҡлау эшендә батырлыҡ, ҡыйыулыҡ һәм ҡаһарманлыҡ күрһәткәне һәм дәүләт, республика һәм башҡорт халҡы алдында башҡа ҡаҙаныштары өсөн иң юғары бүләкләү формаһы буласаҡ. Маҡтаулы исемде үлгәндән һуң да бирергә мөмкин», - тип хәбәр иттеләр Башҡарма комитетында.

Конкурста ҡатнашыуға художество һәм аң-белем таратыу эшмәкәрлеген алып барған юридик һәм физик шәхестәр, шул иҫәптән ижади коллективтар, инициативалы төркөмдәр һәм ойошмалар саҡырыла.

Конкурс еңеүсеһе менән миҙал эшләгәндә автор килешеүе төҙөлә. Конкурс эштәре 2018 йылдың 1 октябренә тиклем электрон формала «Башҡорт халыҡ геройы» миҙалын уйлап сығарыу буйынса конкурс» билдәһе менән kurultay-ufa@mail.ruc адресына ҡабул ителә.

Миҙалдың иң яҡшы эскизын һайлау тураһында һуңғы ҡарар көҙгөһөн Бөтә донъя башҡорттары ҡоролтайы Башҡарма комитеты ултырышында асыҡ тауыш биреү юлы менән ҡабул ителә. Конкурс һөҙөмтәләре тураһында хәбәр Бөтә донъя башҡорттары ҡоролтайының рәсми сайтында, шулай уҡ «Бәйләнештә» һәм Facebook социаль селтәрҙәрендә «Ҡоролтай» төркөмдәрендә урынлаштырыласаҡ.

http://www.bashinform.ru/news/1184425-v-bashkirii-poyavitsya-novaya-nagrada-medal-geroy-bashkirskogo-naroda-/

#наградалар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.