Башҡортостанда дауыл хаҡында иҫкәртәләр: көслө ҡойма яуын һәм эре боҙ-борсаҡ яуыуы көтөлә

Гөлфиә Акулова

ӨФӨ, 2018 йыл, 28 июнь. /«Башинформ» мәғлүмәт агентлығы, Гөлфиә Акулова/. Гидрометеорология һәм тирә-яҡ мөхит мониторингы идаралығы мәғлүмәттәре буйынса, бөгөн, 28 июндә, һәм 29 июндә төндөң тәүге яртыһында дауыл хаҡында иҫкәртәләр.

Республикала урыны менән елдең секундына 21-26 метрға тиклем көсәйеүе, көслө ҡойма ямғыр һәм эре боҙ-борсаҡ яуыуы көтөлә.

Ҡотҡарыусылар хәүефһеҙлек ҡағиҙәләрен үтәргә кәңәш итә. Көслө елдән йорт диуарҙары янында йәшенергә ярамай, сөнки ҡыйыҡтан шифер һәм башҡа ҡыйыҡ ябыу материалдары төшөүе ихтимал. Ошо уҡ кәңәштәр йәмәғәт транспорты туҡталыштарына, реклама таҡталарына, ағастарға, төҙөлөп бөтмәгән биналарға ҡағыла. Көслө елдә электр тапшырыу линиялары аҫтында тороу һәм өҙөлгән электр сымдарына яҡын барыу ғүмер өсөн хәүефле.

Ғәҙәттән тыш хәлдәр министрлығы ел көсәйгәндә бинала ҡалырға, урамда булғанда ер аҫты үткәүелдәрендә йәшенергә йәки подъезға инергә кәңәш бирә. Балаларҙы айырым контролгә алыу һәм уларҙы ҡарауһыҙ ҡалдырмау мөһим.

Тәбиғәттә булғанда көслө дауылда һыу инмәгеҙ, бәләкәй күл йәки йылға булһа ла. Йәшендә һәм көслө елдә усаҡ яндырмағыҙ, яңғыҙ бер ҡайҙа ла бармағыҙ, тип мөрөжәғәт иттеләр республика халҡына Ғәҙәттән тыш хәлдәр министрлығында. Боҙ-борсаҡ яуғанда мөмкин тиклем тышҡа сыҡмаҫҡа. Бинала булғанда тәҙрәләрҙән алыҫ торорға кәрәк. Урамда саҡта ышыҡ урын табырға, башығыҙҙы боҙ-борсаҡтан һаҡларға тырышығыҙ, ағас аҫтына йәшенмәгеҙ. Боҙ-борсаҡ яуғанда автомобилдә барһағыҙ, туҡтағыҙ. Машинала тәҙрәнән алыҫыраҡ ултырығыҙ, эсенән сыҡмағыҙ. Шуны хәтерегеҙҙә тотоғоҙ: боҙ-борсаҡ уртаса 6 минут самаһы яуа, бик һирәк 15 минуттан оҙағыраҡ дауам итә.

http://www.bashinform.ru/news/1179817-shtormovoe-preduprezhdenie-v-bashkirii-prognoziruyutsya-silnye-livni-i-krupnyy-grad/

#дауыл хаҡында иҫкәртеү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.