Республиканың ике районында яңы прокурорҙар тәғәйенләнде

ӨФӨ, 2018 йыл, 27 июнь. /«Башинформ» мәғлүмәт агентлығы, Ксения Калинина/.Рәсәйҙең Генераль прокуроры бойороҡтары менән кесе юстиция советнигы Артур Ғибәҙуллин — Башҡортостандың Миәкә районы прокуроры, ә кесе юстиция советнигы Булат Ғәлиәкбәров Балтас районы прокуроры итеп тәғәйенләнде. Был хаҡта Башҡортостан Республикаһы прокуратураһының матбуғат хеҙмәте хәбәр итә.

Артур Ғибәҙуллин 1985 йылда Стәрлетамаҡта тыуған. 2007 йылда «юриспруденция» һөнәре буйынса Башҡорт дәүләт университетын тамамлаған. 2009-2010 йылдарҙа Шишмә район-ара тәфтиш бүлеге тәфтишсеһе булып эшләгән. 2010-2013 йылдарҙа Салауат ҡалаһы прокуроры ярҙамсыһы вазифаһын биләгән. 2013-2016 йылдарҙа – Салауат ҡалаһы прокурорының өлкән ярҙамсыһы. 2016 йылдан 2018 йылдың июненә тиклем Салауат ҡалаһы прокуроры урынбаҫары булып эшләгән.

Булат Ғәлиәкбәров 1986 йылда Борай районының Борай ауылында тыуған. 2009 йылда ул «юриспруденция» һөнәре буйынса Башҡорт дәүләт университетын тамамлаған. 2010-2015 йылдарҙа Борай районы прокуроры ярҙамсыһы вазифаһын биләгән. 2015 йылдан алып 2018 йылдың июненә ҡәҙәр Борай районын прокуроры урынбаҫары булып эшләгән.

http://www.bashinform.ru/news/1179180-v-dvukh-rayonakh-bashkirii-naznacheny-novye-prokurory/