Граждандарҙы ҡабул иткәндә Рөстәм Хәмитов республика халҡы менән биләмәләрҙе үҫтереү һәм умартасылыҡҡа ярҙам итеү мәсьәләләрен тикшерҙе

Олег Яровиков

«Башинформ» мәғлүмәт агентлығы

ӨФӨ, 2018 йыл, 22 июнь. /«Башинформ» мәғлүмәт агентлығы/. Кисә Өфөлә Башҡортостан Башлығы Рөстәм Хәмитов граждандарҙы ҡабул итте. Төбәк етәксеһе республикала йәшәүселәр менән ауыл хужалығын, төҙөлөштө, инфраструктураны һәм биләмәләрҙе үҫтереү мәсьәләләрен тикшерҙе.

Миәкә районында йәшәүсе, крәҫтиән-фермер хужалығы башлығы Илдус Ғүмәров төбәк етәксеһенә умартасылыҡ өлкәһендә перспективалы проекттар хаҡында һөйләне. Атап әйткәндә, ул республиканың көньяҡ-көнбайышында тармаҡ музейын, апитерапия мөмкинлектәрен файҙаланып, ял өсөн өйҙәр менән умартасылыҡ хужалығын ойошторорға, шулай уҡ умартасылыҡ буйынса «Апимондия-2021» халыҡ-ара конгресы программаһына Миәкә умарталығын индерергә тәҡдим итте.

Алдан Ауырғазы районы Мәҫәле ауыл советын етәкләгән, әле лә шунда йәшәүсе Тамара Карамзина республика Башлығына Каменка, Сосновка, Дадановка ауылдарына газ үткәреүҙә булышлыҡ итеү үтенесе менән мөрәжәғәт итте. Тейешле проект 2015 йылда уҡ әҙерләнгән, хәҙер республика бюджетынан финанслау талап ителә.

Өфөлә йәшәүсе Владимир Гуськов менән Рөстәм Хәмитов «Милов паркы» торлаҡ комплексы буйынса хәлде, булған мәсьәләләрҙе хәл итеү юлдарын, торлаҡты файҙаланыуға тапшырыу ваҡытын, шулай уҡ биҫтәнең транспорт инфраструктураһын үҫтереүҙе тикшерҙе.

Бәләбәйҙә йәшәүсе, Башҡортостандың атҡаҙанған табибы Венера Хөсәйенова республика етәксеһенән Бәләбәй үҙәк район дауаханыһының бала табыу бүлегендә капиталь ремонтты тамамлау өсөн саралар ҡабул итеүен һораны.

Граждандарҙы ҡабул итеү йомғаҡтары буйынса Башҡортостан Хөкүмәтенә, республика министрлыҡтарына һәм ведомстволарына, шулай уҡ муниципалитет башлыҡтарына тейешле йөкләмәләр бирелде.

http://www.bashinform.ru/news/1176674-na-prieme-grazhdan-rustem-khamitov-obsudil-s-zhitelyami-respubliki-razvitie-territoriy-i-podderzhku-/

1 из 5

#башҡортостан башлығы #умартасылыҡ #төҙөлөш #инфраструктра

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.