Вторник, 12 Мая 2026

Уфа

+18 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

12:24 (UTC+5), 18 Июня 2018

Башҡортостанда Күсмә халыҡтар уйындары 4,5 мең тамашасыны йыйҙы

Айбулат Аҡбутин

IMPORT Сервисный

ӨФӨ, 2018 йыл, 18 июнь. /«Башинформ» мәғлүмәт агентлығы, Ләйлә Аралбаева/. Башҡортостанда «Күсмә халыҡтар уйындары» - этник спорт төрҙәре буйынса ярыштар 4500-ҙән ашыу тамашасыны йыйҙы.

Сара Әбйәлил районының «Яҡтыкүл» курортында уҙҙы. Ошондай форматтағы фестиваль республикала тәүгә ойошторолдо.

Башҡортостан Дәүләт Йыйылышы ҡарамағындағы Йәштәр йәмәғәт палатаһы ағзаһы Елена Арямнова һөйләүенсә, милли көрәш, традицион уҡ атыу, аттан уҡ атыу кеүек этник спорт төрҙәрендә 100-ҙән ашыу батыр көс һынашты.

Һыбайлыларҙың «Ылаҡ» уйыны ҙур ҡыҙыҡһыныу тыуҙырҙы. Был башҡорттарҙа, ҡырғыҙҙарҙа, алтайҙарҙа, ҡаҙаҡтарҙа һәм башҡа Азия халыҡтарында киң таралған. Ҡатнашыусылар бер-береһенән махсус рәүештә әҙерләнгән кәзә түшкәһен тартып алырға тейеш. Баймаҡ командаһы еңеүсе булды.

«Мин бер йыл шөғөлләнәм, уҡ атыу менән былтыр Курорт һабантуйынан һуң шөғөлләнә башланым», — ти уҡ атыу ярышында ҡатнашҡан Динә Мәһәҙиева.

Сараны ойоштороусы Салауат Нафиҡов был сарала ваҡиғалар туризмы кеүек ҙур потенциал күреүен билдәләне.

«Тамашасылар республиканың төрлө райондарынан килгәйне. Был йәнә бер тапҡыр республикала йәшәүселәрҙең Күсмә халыҡтар уйындары менән ҡыҙыҡһыныуы хаҡында һөйләй. Беҙҙең тамырҙарыбыҙ һәм ғөрөф-ғәҙәттәребеҙ ошонда. Күсмә халыҡтар уйындарын, район һабантуйҙары тамамланғас, йыл һайын үткәрергә булдыҡ. Был Башҡортостандағы иң көслө спортсыларҙы асыҡларға мөмкинлек бирә», — тине Салауат Нафиҡов.

Еңеүселәр 2018 йылдың 2-9 сентябрендә Ҡырғыҙстанда III Бөтә донъя күсмә халыҡтар уйындарында ҡатнаша.

«Мин Пензанан килдем. Башҡортостанда дүртенсе тапҡыр. Тәүге килгәнемдә бының күңелемә яҡын икәнен тойҙом. Ҡыш көнө тау саңғыһы базаһында булғайным, әле Күсмә халыҡтар уйындарын ҡарарға килдем. Быға тиклем бер тапҡыр ҙа ошондай уйынды күргәнем булманы, баҡһаң, ҡыҙыҡлы милли колорит, күңелле ял икән. Был яратҡан ерем генә түгел, ҡыҙыҡлы ял да», — тип фекере менән уртаҡлашты Күсмә халыҡтар уйындарын тамаша ҡылыусы Яна Кубаева.

Күсмә халыҡтар уйындарын ойоштороусылар булып Башҡортостандың Спорт һәм йәштәр сәйәсәте министрлығы, «Яҡтыкүл» һәм «Юбилейлы» шифаханалары сығыш яһаны.

http://www.bashinform.ru/news/1174375-v-bashkortostane-igry-kochevnikov-sobrali-4-5-tysyachi-zriteley/

1 из 10

#милли байрамдар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.